Samfélagsmiðlar

Bjóða ferðamönnum gistingu í tjaldi á nýársnótt

Þrátt fyrir fréttir af vosbúð þeirra sem búa á tjaldsvæðum þessa dagana þá stendur ferðamönnum til boða að bóka gistingu í tjaldi yfir áramótin.

Þeir tjaldvagnar og bílar sem ferðamenn geta leigt sér yfir áramótin á vef Airbnb

Hótelgisting í höfuðborginni á nýársnótt er nærri uppbókuð og aðeins 2 prósent af því gistirými sem Airbnb er með í Reykjavík er ennþá á lausu samkvæmt heimasíðu bandarísku gistimiðlunarinnar. Þar á meðal eru bílar og tjaldvagnar en eins og komið hefur fram í fréttum undanfarna daga þá gerir kuldinn vistina á íslenskum tjaldstæðum erfiða á þessum tíma árs. Þrátt fyrir það þá býðst ferðafólki sem er á leið til landsins yfir áramótin að leigja sér tjaldvagna eða jafnvel fólksbíla með dýnu.

Og þrátt fyrir lítin aðbúnað þá er leiguverðið ekki lágt. Þannig kostar leiga í tjaldvagni, sem sagður er í Laugardal, um 22 þúsund krónur á nótt og sólarhringsleiga á gamalli Toyota Corolla, með tjaldi í skottinu, er á 6 þúsund krónur.

„Það að ferðamönnum standi til boða gisting í gömlum bílum er auðvitað ekki boðlegt, hvað þá í tjöldum og tjaldvögnum að vetri til þegar veður geta verið válynd hér á landi,“ segir Skapti Örn Ólafsson, upplýsingafulltrúi Samtaka ferðaþjónustunnar. „Með óheftri útbreiðslu Airbnb gistirýmis þá sjáum við því miður dæmi sem þessi, að í boði er algerlega óviðunandi aðstaða fyrir ferðamenn. Þarna er hvorki hugað að öryggi og gæðum af neinu tagi. Leyfislaus starfsemi sem þessi er ólíðandi. Á Íslandi eru á milli 4 og 5 þúsund gestgjafar sem bjóða upp á gistirými á Airbnb, en innan við 1000 aðilar hafa nú þegar skráð sig með sína eign í heimagistingu. Þarna þarf augljóslega að gera betur til að eftirlit verði markvissara.“

Sem fyrr segir er ekki mikið úrval af lausum hótelherbergjum í Reykjavík um áramótin og verðið á þeim gistikostum sem finna má á vef Booking.com er í sumum tilvikum óvenju hátt. Til að mynda þarf að borga 914.716 krónur fyrir þrjár nætur, þar af nýársnótt, í fjögurra manna herbergi á Hótel Adam við Skólavörðustíg (sjá hér fyrir neðan). Hins vegar kosta hótelgisting á tveggja manna herbergi á Hótel Sögu eða Skugga um 44 þúsund krónur á nótt samkvæmt vef Booking.com.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …