Samfélagsmiðlar

Flugmiði til Evrópu á 1437 krónur

Það gerist ekki oft að flugmiðinn kostar jafn mikið og léttar veitingar um borð en það er hins vegar raunin í lok vetrar.

Frá Genf.

Farþegar á Keflavíkurflugvelli hafa nú úr miklu meira að moða en áður og fargjöldin á sumum flugleiðum eru óvenju lág um þessar mundir. Þannig geta þeir sem ferðast létt og spara sér þar með farangursgjöld flugfélaganna auðveldlega fundið farmiða til Evrópu á innan við 10 þúsund krónur fyrstu mánuði næsta árs. Til Norður-Ameríku er aðeins dýrara að ferðast en flugmiðarnir þangað eru líka í mörgum tilfellum nokkru ódýrari en oft áður.

Ekkert þeirra kostaboða sem nú eru fáanleg slá hins vegar út fargjöld easyJet frá Íslandi til Genfar í lok mars. Þá kostar flugleggurinn héðan til svissnesku borgarinnar aðeins 1.437 krónur (11,68 evrur) og dugar það rétt svo til að greiða brottfarargjöld Keflavíkurflugvallar. Og til samanburðar má geta að samloka og bjórglas um borð í þotum easyJet kostar ögn meira en ódýrari flugmiðinn.

En þó hægt sé að fljúga út heim fyrir sáralítið þá er ekki víst að heimferðin verði jafn ódýr og það er einmitt raunin hjá easyJet. Þannig getur sá sem flýgur til Genfar í lok mars reiknað með að borga allt að tífalt hærra verð fyrir flugið til Íslands frá svissnesku úraborginni og farmiði, báðar leiðir, er þá á tæpar 17.500 krónur. Fyrir ferðatöskuna þarf svo að borga rúmar 4 þúsund krónur. Frá Genf er stutt í nokkur af þekktustu skíðasvæðu Alpana og flest þeirra ættu að vera opin í lok mars en borga þarf aukalega um 10 þúsund krónur, báðar leiðir.

Auk easyJet býður Icelandair einnig upp á flug til Genfar frá vori og fram á haust. Og fyrir þá sem ætla að heimsækja Genf á næstunni má geta þess að flugfarþegar geta fengið frían miða í  lestina frá flugstöðinni og niður í bær og allir hótelgestir í borginni geta nýtt sér sporvagna og strætó án greiðslu. Sjá nánar í vegvísi Túrista fyrir Genf.

Bera saman hóteltilboð

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …