Samfélagsmiðlar

Flugvirkjar komnir í verkfall

Í morgun hófst ótímabundin vinnustöðvun flugvirkja Icelandair og félagið hefur þegar aflýst ferðum í dag og seinkað brottförum dagsins.

icelandair 757 a

Samningafundir milli forsvarsmanna Icelandair og Flugvirkjafélag Íslands skiluðu ekki árangri og því hófst verkfall flugvirkja Icelandair í morgun. Það er því ljóst að veruleg röskun verður á áætlun Icelandair í dag og á morgun samkvæmt þeim upplýsingum sem finna má á heimasíðu félagsins. Þannig hafa áætlunarferðir til Ósló, Bergen, Zurich og Manchester verði felldar niður og seinkun verði á fjöldamörgu af ferðum dagsins.

Farþegar eiga rétt á endurgreiðslu á flugmiðum eða að flugfélagið komið þeim á leiðarenda með öðrum leiðum samkvæmt þeim reglum sem gilda um aflýsingar á flugi og finna má á heimasíðu Samgöngustofu. Þar segir jafnframt að farþegar eigi ekki á skaðabótum ef verkfall er ástæða þess að flug er fellt niður.

Nú er vika í aðfangadag og af umræðum í Facebook hópum Íslendinga, sem búsettir eru erlendis, að dæma þá mun verkfallið hafa áhrif á jólaferðir margra til Íslands enda margir íslenskir útlendingar á leiðinni til landsins þessa dagana. Og á sama tíma eiga vafalítið margir hér á landi pantað far til ættingja út í heimi.

Verkfall flugvirkja gæti líka haft töluverð áhrif á ferðaþjónustuna enda er Ísland orðið vinsæll áfangastaður í kringum jól og áramót. Í tilkynningu sem Samtök ferðþjónstunnar sendu frá sér fyrir helgi segir að gera megi ráð fyrir því að vinnustöðvunin muni daglega raska ferðum 10 þúsund flugfarþega og þetta er ekki í fyrsta skipti sem þessi staða kemur upp. „Frá því árið 2009 hefur Flugvirkjafélag Íslands boðað til verkfalls á u.þ.b. eins og hálfs árs fresti með tilheyrandi óvissu og höggi fyrir ferðaþjónustuna á Íslandi. Það segir sig sjálft    slíkt  vinnumarkaðslíkan  gengur  ekki  upp  og  er  fullreynt.  Tryggja  verður stöðugt  rekstrarumhverfi  greinarinnar  til  framtíðar. Það  er  umhugsunarefni  hvernig fámennir hópar í kjarabaráttu geta ítrekað komið ferðaþjónustunni í uppnám,“ segir í tilkyningu frá Samtökum ferðaþjónustunnar.

Þar er jafnframt bent á að stöðvun flugs þess flugfélags sem flýgur með 10 þúsund ferðamenn á dag, og hefur mesta markaðshlutdeild, hafi mikil neikvæð áhrif á hagkerfið í heild sinni. „Á hverjum degi sem verkfall stendur yfir er fjárhagslegt tjón fyrir þjóðarbúið því gífurlegt. Samtök ferðaþjónustunnar hvetja samningsaðila til að leita allra leiða til að ná sáttum í  deilunni  sem  fyrst  og  eyða  þannig  óvissu  fyrir  ferðaþjónustuna  og  landsmenn  alla. Ábyrgð samningsaðila er mikil, enda er flug aðal samgöngumáti ferðamanna til og frá landinu.“

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …