Samfélagsmiðlar

Fylgjast með rekstri íslensku flugfélaganna

Samgöngustofa kallar árlega eftir upplýsingum um stöðu flugfélaganna en innan stjórnarráðsins er verið að kanna nauðsyn þess að hafa tilbúna neyðaráætlun ef millilandaflugfélögin lenda í rekstrarvanda.

icelandair wow

Eru Icelandair og WOW air orðin kerfislega mikilvæg fyrir efnahagslegan stöðugleika á sama hátt og stærstu bankar landsins? Þessari spurningu var velt upp í greiningu Landsbankans í haust og þar var jafnframt spurt hvort útbúa þurfi viðbragðsáætlun sem hægt er grípa til ef flugfélögin lenda í vanda. Þess háttar áætlun er nú í bígerð líkt og Túristi greindi frá og koma fulltrúar fjögurra ráðuneyta að vinnunni sem sett var af stað undir forystu forsætisráðuneytisins. Verkefnið er ennþá á byrjunarstigi en meðal annars hefur verið kallað eftir upplýsingum frá Samgöngustofu en það eru starfsmenn hennar sem fylgjast með rekstri flugfélaganna.

Aðspurð um í hverju eftirlitið felst, segir Þórhildur Elínardóttir, samskiptastjóri Samgöngustofu, að árlega sé kallað eftir gögnum um fjárhag flugfélaganna og þeim ber að skila í lok mars. Auk þess eiga forsvarsmenn flugfélaganna að skila ársreikningi til Samgöngustofu fyrir 30. júní ár hvert. „Þá er einnig kallað eftir gögnum um fjárhag vegna aukningar eða samdráttar í starfsemi eða í sérstökum tilvikum þegar ástæða er talin til.”

Gjaldþrot þýska flugfélagsins Airberlin og hins breska Monarch, nú í haust, hafa ekki þótt tilefni til að óska eftir nýjum upplýsingum um rekstur íslensku flugfélaganna að sögn Þórhildar. En áhrifanna af gjaldþroti Monarch gætti hér á landi þó flugfélagið hafi aldrei boðið upp á Íslandsflug. Ástæðan er sú að Kortaþjón­ust­an var einn af færsluhirðum breska flugfélagsins og hafði íslenska fyrirtækið greitt Monarch hluta af andvirði farmiðakaupa fyrir ferðir sem ennþá voru ófarnar. Þegar rekstur Monarch stöðvaðist þurfti Kortaþjónustan að endurgreiða korthöfum andvirði allra ónotaðra flugmiða og þar á meðal þá upphæð sem Monarch hafði fengið fyrirfram. Þetta varð til þess að Kortaþjónustan tapaði nær öllu eigin fé sínu og í kjölfarið fór Fjármálaeftirlitið fram á að fyrirtækið héldi leng­ur eftir fyr­ir­fram­greiðslum viðskipta­manna sinna. En líkt og kom fram í frétt Mbl hefur um fimmtungur af greiðslukortasölu WOW air farið í gegnum Kortaþjónustuna.  

Til marks um mikilvægi íslensku flugfélaganna fyrir ferðaþjónustu þá er í ár er gert ráð fyrir að erlendir komufarþegar á Keflavíkurflugvelli verði nærri 2,3 milljónir. En miðað við þær tölur sem liggja fyrir um farþegafjölda Icelandair og WOW air og hlutfall mismunandi farþegahópa um borð í þotum félaganna þá má gera ráð fyrir að flugfélögin tvö flytji til landsins á bilinu 1,2 til 1,4 milljónir ferðamanna í ár. Eða ríflega helming allra þeirra erlendu ferðalanga sem leggja leið sína til Íslands.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …