Samfélagsmiðlar

Icelandair er næstbest að mati lesenda Telegraph

Íslenska flugfélagið færist upp um eitt sæti á lista breska dagblaðsins.

icelandair 767 757

„Þó umsvif lággjaldaflugfélaganna hafi aukist verulega þá hafa þau ennþá ekki náð hjörtum lesenda.“ Þetta segir í Nick Trend, ferðasérfræðingur The Telegraph, um niðurstöður árlegrar lesendakönnunar breska blaðsins. En aðeins eitt lággjaldaflugfélag, Jet2, kemst á lista yfir þau 10 flugfélög sem lesendum Telegraph þykir best að ferðast með á styttir flugleiðum. Listann toppar hið svissneska Swiss en þar á eftir kemur Icelandair og færist íslenska flugfélagið þar með upp úr þriðja sætinu sem það hefur haldið síðustu þrjú ár. Bronsið að þessu sinni fær hið agnarsmáa flugfélag Aurigny Air sem sinnir áætlunarferðum milli Ermarsundseyjanna Guernsey og Alderney.

Þess má geta að Icelandair er ekki eini íslenski silfurmedalíuhafinn hjá lesendum Telegraph að þessu sinni því Ísland sjálft er í öðru sæti yfir þá evrópsku áfangastaði sem eru mest spennandi í huga Breta líkt og Túristi greindi frá. En samtals tóku 90 þúsund lesendur Telegraph þátt í kosningunni.

Bestu flugfélögin á styttri flugleiðum samkvæmt lesendum Telegraph:

  1. Swiss
  2. Icelandair
  3. Aurigny Air
  4. Jet2
  5. KLM
  6. Austrian Airlines
  7. Lufthansa
  8. Air Malta
  9. Aer Lingus
  10. CityJet
Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …