Samfélagsmiðlar

Ísland næstbest annað árið í röð

20 bestu ferðamannalönd Evrópu að mati Breta.

Kirkjufell er eitt myndaðasta fjallið hér á landi og ekki skemmir fyrir þegar norðurljósin lýsa upp himininn þar í kring.

Það er ekkert land í Evrópu sem er eins spennandi heim að sækja eins og Ítalía að mati lesenda breska blaðsins Telegraph. Þar á eftir kemur Ísland. Þetta sýna niðurstöður árlegrar könnunar ferðablaðs Telegraph en í henni tóku 90.000 manns og er þetta annað árið í röð sem Ísland fær silfrið. Að þessu sinni fékk Króatía bronsið þar sem álit Bretanna á Grikklandi dalaði ögn í ár

Í umsögn Telegraph um Ísland segir að það sé aðdáunarverð frammistaða hjá landi sem áður var varla til í huga ferðafólks að ná öðru sætinu annað árið í röð. Einnig er tekið fram að verðlagið á Íslandi sé nú viðráðanlegra og þangað sé auðveldara að komast. Landslagið og norðurljósin eru svo sögð eitt helsta aðdráttaraflið en líkt og komið hefur fram hefur sala á sérstökum norðurljósaferðum um Norðurland selst betur en gert var ráð fyrir.

Bretar eru fjölmennastir í hópi ferðamanna á Íslandi yfir vetrarmánuðina og flogið er hingað reglulega frá London, Manchester, Bristol, Birmingham, Manchester, Glasgow, Edinborg, Aberdeen og svo Belfast á N-Írlandi.

20 bestu ferðamannalönd Evrópu að mati Telegraph:

  1. Ítalía
  2. Ísland
  3. Króatía
  4. Grikkland
  5. Noregur
  6. Portúgal
  7. Spánn
  8. Slóvenía
  9. Austurríki
  10. Frakkland
  11. Sviss
  12. Tyrkland
  13. Kýpur
  14. Svíþjóð
  15. Danmörk
  16. Ungverjaland
  17. Bretland
  18. Pólland
  19. Tékkland
  20. Finnland
Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …