Samfélagsmiðlar

Ein þekktasta fréttakona Bretlands lofar Bláa lónið

Það er ekki annað að sjá en að Íslandsferð Kay Burley í nóvember hefur verið vel lukkuð.

Hann var kaldur nóvembermorguninn sem Kay Burley, fréttaþulur Sky sjónvarpsstöðvarinnar, valdi til að heimsækja Bláa lónið. Hún segist því gengið skjálfandi í átt að vatninu en hafi náð kjarnhita um leið og komið var ofan í heitt lónið. Burley þessi segir frá Íslandsferð sinni í grein í breska blaðinu Daily Mail og það fer ekki á milli mála að Bláa lónið hefur verið hápunktur ferðalagsins. Ekki bara hitastig vatnsins heldur líka umhverfið í kring. Og Burley segir það fullvíst að hún muni minnast hins frábæra nuddtíma sem hún fékk í lóninu um aldur og ævi.

Fréttakonunni þótti það einnig til fyrirmyndar að starfsfólk Bláa lónsins bjóðist til að taka myndir af baðgestunum án þess að taka krónu fyrir. Hins vegar sveið Burley undan reikningnum á reykvískum bar þar sem hún pantaði sér gin og tóník og sömuleiðis var hádegismaturinn  of dýr að hennar mati. Hún áréttar því fyrir lesendum Daily mail að Ísland sé dýr áfangastaður jafnvel þó þar megi finna gistingu í öllum verðflokkum.

Burley lofar einnig gullna hringinn sem hún segir að bjóði upp á stórbrotið landslag. Hins vegar virðist norðurljósaferðin hafa reynt á þolinmæði hennar þó á endanum hafi sést örla fyrir ljósasýningu á himninum.

Skjámynd: Daily Mail
Skjámynd: Daily Mail
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …