Samfélagsmiðlar

Icelandair snýr aftur til Baltimore og mætir þar WOW air

Flugfélagið sér hag í að bæta við ferðum til höfuðborgarsvæðis Bandaríkjanna og tekur því upp þráðinn á Baltimore-Washington flugvelli. En þangað hefur WOW air flogið síðustu ár.

Frá Baltimore.

Fyrir rúmum áratug lagði Icelandair niður áætlunarferðir sínar til Baltimore-Washington flugvallar en hóf svo að fljúga til Washington Dulles árið 2011. En báðir þessir flugvellir liggja í um 40 mínútna akstursfjarlægð frá höfuðborg Bandaríkjanna. Forsvarsmenn Icelandair sjá nú tækifæri í að hefja áætlunarflug á ný til Baltimore og mun félagið bjóða upp á reglulegar ferðir þangað frá sumarbyrjun og fram á haust samkvæmt tilkynningu frá félaginu. „Með fluginu til Baltimore (BWI flugvöll)  erum við að auka framboð okkar inn á hið fjölmenna Washington/Baltimore svæði, en við fljúgum nú þegar á Dulles flugvöllinn í Washington. Við lítum á þetta sem eitt markaðssvæði, þarna búa um 10 milljónir íbúa og höfuðborgin er að sjálfsögðu mikil miðstöð stjórnsýslu og viðskipta í Bandaríkjunum“, segir Björgólfur Jóhannson, forstjóri Icelandair, í tilkynningu.

Um 70 kílómetrar eru á milli flugvallanna tveggja og er þetta fjórða stórborgarsvæðið sem Icelandair þjónar með flugi á tvo flugvelli. Nú þegar er boðið upp á flug til JFK og Newark flugvallanna í New York, til Heathrow og Gatwick í London og til Charles De Gaulle og Orly flugvallanna í París.

Þegar WOW air hóf svo að fljúga til Bandaríkjanna í sumarbyrjun árið 2015 var Baltimore-Washington flugvöllur annar af tveimur áfangastöðum félagsins vestanhafs og á fyrri helmingi síðasta árs nýttu um 57 þúsund farþegar sé flug WOW á flugleiðinni. Til samanburðar flaug Icelandair með um 10 þúsund færri farþega milli Keflavíkurflugvallar og Washington Dulles samkvæmt tölum sem Túristi hefur frá Samgöngustofu Bandaríkjanna. Hins vegar framboðið hjá WOW air meira og sætanýting félaganna tveggja var nærri sú sama eða rétt um 80 prósent í ferðunum til og frá Washingtonsvæðinu.

Baltimore-Washington er ekki eina bandaríska flughöfnin sem bætist við leiðakerfi Icelandair á næsta ári því í gær tilkynnti félagið um nýtt áætlunarflug til Kansas City. Icelandair fer svo jómfrúarferðir sínar til Dallas og Cleveland í maí nk.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …