Samfélagsmiðlar

Óttast að takmarkanir á Akureyrarflugvelli fæli útlendinga frá

Síðustu daga hafa þotur með breska ferðamenn tvívegis ekki náð að lenda fyrir norðan. Framkvæmdastjóri Markaðsstofu Norðurlands segir viðræður við fleiri aðila um millilandaflug til Akureyrar standi og falli með því að aðflugsbúnaður sé fyrir hendi.

nordurljos markadsstofanordurlands

Sala á sérstökum norðurljósaferðum um Norðurland fór fram út væntingum forsvarsmanna bresku ferðaskrifstofunnar Super Break og seldust á þriðja þúsund sæti í fjórtán ferðir frá nokkrum breskum borgum nú í janúar og febrúar. Nú hafa verið farnar fjórar ferðir og í tveimur þeirra hefur Íslandsreisa Bretanna hafist á Keflavíkurflugvelli en ekki á Akureyri eins og lagt var upp með. Ástæðan er sú að flugmennirnir hafa ekki treyst sér í að lenda fyrir norðan vegna veðurs.

Skortur á aðflugsbúnaði mun vera megin ástæðan fyrir þessu og skora nú forsvarsmenn Markaðsstofu Norðurlands á stjórnvöld að tryggja strax fjármagn til þess að kaupa og setja upp þess háttar búnað fyrir aðflug úr norðri á Akureyrarflugvelli. „Jafnframt að gerð verði áætlun, og hún fjármögnuð, um uppbyggingu á Akureyrarflugvelli til framtíðar svo hann geti þjónað hlutverki sínu sem varaflugvöllur og millilandaflugvöllur Norðurlands. Það felur m.a. í sér stækkun flugstöðvarinnar, stækkun flughlaðsins og að tryggja að flugvöllurinn sé sem best tækjum búinn,” segir í tilkynningu frá Markaðsstofunni.

Í svari við fyrirspurn Túrista segir Arnheiður Jóhannsdóttir, framkvæmdastjóri Markaðsstofunnar, að bent hafi verið á það í mörg ár koma þyrfti búnaðinum fyrir og það hafa verið skilningur hennar að búið væri að setja fjármagn í framkvæmdina og  verkið myndi klárast í ár. „Fjármagnið reyndist síðan ekki vera til staðar og Isavia gat ekki sett af stað vinnu við að koma búnaðinum fyrir.” Að mati Arnheiðar þá gæti þessi staða og sú staðreynd að nú hafi þotur tvívegis þurft að hætta við lendingu haft neikvæð áhrif á þær viðræður sem Markaðsstofa Norðurlands á nú í við erlendar ferðaskrifstofur og flugfélög.

Það er gert ráð fyrir að það kosti um 100 milljónir að setja notaðan aðflugsbúnað frá Keflavíkurflugvelli upp við Akureyrarflugvöll en 150 milljónir ef ný tæki verða keypt. 

Þess ber að geta að forsvarsmenn Super Break voru meðvitaðir um takmarkanirnar á Akureyrarflugvelli áður en norðurljósaferðirnar voru kynntar. Og í tilkynningu sem breska ferðaskrifstofan sendi frá sér í gær segir að flugáætlunin verði með óbreyttu sniði næstu vikur og eins ætli ferðaskrifstofan að halda sínu striki og fjölga ferðunum norður í ár og næsta vetur eins og áður hafði verið kynnt.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …