Samfélagsmiðlar

WOW hefur náð 70% af stærð Icelandair

Í farþegum talið þá minnkar bilið á milli flugfélaganna hratt og sú þróun ætti að halda áfram í ár enda mun flugfloti WOW air stækka umtalsvert á næstu mánuðum.

wow radir

Rúmlega 2,8 milljónir farþega nýttu sér áætlunarferðir WOW air á síðasta ári og fjölgaði þeim um 69 prósent frá árinu á undan. Framboð á flugsætum jókst hins vegar aðeins meira á milli ára eða um 80 prósent. Í tilkynningu frá WOW air er haft eftir Skúla Mogensen, stofnanda og forstjóra, að árið 2017 hafi einkennst af gríðarlegum vexti og fjárfestingum á öllum sviðum. Hann gerir ráð fyrir að farþegunum fjölgi um 900 þúsund í ár en félagið tekur í notkun sjö glænýjar flugvélar í ár. Þar af eru fjórar Airbus A330-300neo breiðþotur og verður WOW annað flugfélagið í heiminum til að bæta þess háttar þotum við flugflota sinn. Líkt og í hittifyrra þá var sætanýtingin hjá WOW air að jafnaði 88% á síðasta ári.

Vöxtur WOW air hefur verið mjög hraður frá því að félagið hóf að fljúga vestur um haf í maí árið 2015. Árin tvö þar á undan var farþegahópur félagsins rétt um fimmtungur af þeim fjölda sem Icelandair flutti en miðað við lokauppgjör félaganna fyrir árið 2017 þá hefur WOW air nú náð 70 prósent af stærð Icelandair. Það er ekki síður merkilegt í ljósi þess að farþegafjöldinn hjá Icelandair hefur tvöfaldast síðustu fimm ár, úr 2 milljónum í fjórar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …