Samfélagsmiðlar

Booking.com sækir inn á markað fyrir heimagistingu

Umsvifamesta hótelbókunarfyrirtæki í heimi ætlar sér stærri sneið af hinum ört stækkandi markaði fyrir íbúðagistingu. Fyrirkomulagið hjá fyrirtækinu er á ýmsan hátt annað en hjá Airbnb, til að mynda hvað varðar birtingu leyfisnúmers söluaðila.

Hin mikla aukning sem orðið hefur í skammtímaleigu íbúðahúsnæðis til ferðamanna hér á landi er jafnan tengd bandarísku gistimiðluninni Airbnb. Enda hefur fyrirtækið þúsundir íslenskra gistikosta á sínum snærum. Hótelherbergin sem bókunarfyrirtækið Booking.com miðlar hér á landi eru líka mörg en nú ætlar það fyrirtæki sér einnig aukin hlut í íbúðagistingunni. „Það er vilji okkar að fá inn fleiri íbúðar á síðuna og breyta þeirri ímynd að Airbnb sé fyrir íbúðir og Booking.com aðra gistingu,” segir Egill Ólafsson viðskiptastjóri íbúða hjá Booking.com. Átta manns starfa á skrifstofu fyrirtækisins hér á landi.

Að sögn Egils er Booking.com stærsti söluaðili gistinga í heiminum og í því felast tækifæri fyrir íbúðaeigendur sem vilja leiga út íbúðir og til að mynda er þjónustuver fyrirtækisins opið allan sólarhringinn. Aðspurður um hversu háa þóknun Booking.com tekur fyrir sína þjónustu segir Egill að gististaðir greiði 15% þóknun en gesturinn sjálfur ekki neitt. „Samanborið við Airbnb þá borgar gististaðurinn 3-5% þóknun og gesturinn sjálfur 10-12%. Verðið sem gististaður setur inná Booking.com er því alltaf endanlegt verð en er ekki breytilegt og háð þjónustugjaldi eins og hjá Airbnb.”

Í byrjun síðasta árs tóku gildi nýjar reglur um heimagistingu hér á landi og samkvæmt þeim eiga íbúðaeigendur að láta leyfisnúmer sín koma fram í auglýsingum á húsnæðinu. Þessi númer eru þrátt fyrir það sjaldséð inn á vef Airbnb samkvæmt athugunum Túrista síðustu misseri. Egill segir hins vegar að mikið sé lagt upp úr því hjá Booking.com að reglum á hverjum stað sé fylgt og í skráningarferli fyrir íbúðir er því beðið um leyfisnúmer viðkomandi söluaðila en það er sýslumaðurinn á höfuðborgarsvæðinu sem veitir leyfin.

Áhugasamir íbúðaeigendur geta fengið nánari upplýsingar á heimasíðu Booking.com.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …