Samfélagsmiðlar

Ferðafólki frá Póllandi fjölgar mest

Pólverjar hafa staðið undir verulegum hluta af þeirri aukningu sem orðið hefur í fjölda ferðamanna hér á landi í vetur. Íslendingar nýta sér líka hinar tíðu flugferðir héðan til Póllands.

Flugsamgöngur milli Íslands og Póllands hefa aukist verulega síðustu misseri með stórauknu Íslandflugi Wizz Air en flugfélagið býður nú upp á beint flug hingað frá fimm pólskum borgum og að jafnaði eru 2.700 sæti í þotum félagsins sem fljúga hingað í viku hverri frá Póllandi. Þetta mikla framboð hefur líka ýtt undir ferðamannastrauminn hingað frá Póllandi og þegar litið er aftur til síðustu þrjá mánaða kemur í ljós að pólskum ferðamönnum hefur fjölgað um nærri 7.900 á meðan viðbótin frá Bandaríkjunum, fjölmennustu þjóðinni í hópi ferðamanna hér á landi, nemur um 7.500 farþegum samkvæmt talningu Ferðamálastofu. Í heildina hefur erlendu flugfarþegunum í innritunarsal Leifsstöðvar fjölgað um 35 þúsund frá byrjun nóvember og fram til loka janúar. Pólverjar standa því undir um nærri fjórðungi af þeirri viðbót.

Það má hins vegar slá því föstu að einhver hluti af þeim Pólverjum sem taldir eru sem ferðamenn í Leifsstöð eru í raun búsettir hér á landi í lengri eða skemmri tíma. Því eins og Túristi hefur fjallað um þá eru allir þeir sem fara í gegnum vopnaleitina í flugstöðinni taldir sem ferðamenn. Og samkvæmt athugun sem Isavia gerði í nóvemver sl. þá voru um 5 af hverjum 100 útlendingum, sem taldir eru sem erlendir ferðamenn, í raun búsettir hér á landi. Ef hlutfallið hefur verið sambærilegt í desember og janúar þá þýðir það af þessum 427.450 ferðamönnum sem áttu leið um Keflavíkurflugvöll, síðastliðna þrjá mánuði, þá hafi 21.373 þeirra í raun verið útlendingar búsettir á Íslandi. Ekki liggur hins vegar fyrir hvert þjóðerni þessara ríflega 21 þúsund farþega var og því ekki hægt að segja til um hversu stór hluti af þessum fjölda hafi verið Pólverjar sem búa hér. Til samanburðar voru pólsku ferðamennirnir tæplega 18 þúsund síðustu þrjá mánuði.

Ekki eru það þó aðeins Pólverjar sem nýta sér hinar tíðu ferðir Wizz Air milli Íslands og Póllands því að sögn Gabor Vasarhelyi, talskonu Wizz Air, eru íslenskir farþegar um 15 til 20 prósent þeirra sem nýta sér áætlunarflug félagsins. Miðað við framboð félagsins má gera ráð fyrir að hátt í 400 Íslendingar haldi til Póllands vikulega með Wizz Air.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …