Samfélagsmiðlar

Flugvél með 70 pípara snúið við vegna bilaðs klósetts

Það er ekki alltaf nóg að vera með stóran hóp af fagfólki þegar upp kemur neyðarástand um borð í flugvél.

norwegian vetur

Þotu Norwegian var snúið við enda þótti ekki hægt að fljúga með bilað klósett.

Á laugardagsmorgun tók á loft frá Óslóarflugvelli þota Norwegian flugfélagsins og var stefnan sett á þýsku borgina Munchen. Um borð voru starfsmenn norska pípulagningafyrirtækisins Rørkjøp sem voru á leið í árlega starfsmannaferð. Utanlandsferðir Rørkjøp hafa hingað til ekki ratað í norska fjölmiðla eða í heimspressuna en ferðin um síðustu helgi gerði það hins vegar. Ástæðan er sú að stuttu eftir flugtak kom í ljós að eitt af klósettunum um borð var bilað og í stað þess að leita til þessara 70 pípulagningamanna um borð þá ákváðu flugmennirnir að snúa til baka til Óslóar.

Var þessi beiðni skilgreind sem nauðlending og þar með þurftu flugmennirnir að fljúga vélinni í hringi til að tæma bensíntankna. Það tók sinn tíma en loks var lent og þá tóku píparar og flugvirkjar Óslóarflugvallar við og náðu þeir að laga klósettið á svipstundu. Þotan komst því aftur í loftið og lentu starfsmenn Rørkjøp í Munchen seinni partinn á laugardag. Nokkrum klukkutímum á eftir áætlun.

Pípararnir 70 tóku víst seinkuninni með bros á vör og sérstaklega hafa þeir gaman að þessu í dag enda er Rørkjøp orðið þekktasta pípulagningafyrirtæki Noregs. Í frétt norska Dagblaðsins er haft eftir einum af pípurunum að þeir hafi verið boðnir og búnir til að laga klósettið um borð. Það hafi hins vegar flækt málið að viðgerðin þurfti að fara fram utan frá og ekki hafi þótt réttlætanlegt að senda einn úr hópnum út í 10 þúsund feta hæð til að losa stífluna.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …