Samfélagsmiðlar

Primera Air stokkar upp Ameríkuflugið frá Englandi

Flugfélag Andra Más Ingólfssonar eykur framboð sitt á flugi til stórborga á austurströnd N-Ameríku frá Stansted flugvelli í London.

washington yfir

Washington DC verður einn af áfangstöðum Primera Air.

Breytingar á leiðakerfi Primera Air hafa verið til umræðu í bresku pressunni síðustu daga og er þá jafnan talað um flugfélagið sem letneskt lággjaldaflugfélag. En Primera Air flutti starfsstöð sína frá Reykjavík til Riga fyrir nokkrum árum síðan en er engu að síður í eigu Andra Más Ingólfssonar. Og það er hann sem hefur skýrt það út fyrir breskum ferðablaðamönnum afhverju Primera Air hefur hætt við flug frá Birmingham til Boston og þess í stað aukið umsvif sín á Stansted flugvelli. En þaðan hyggst félagið fljúga til Washington Dulles flugvallar frá og með byrjun júní. Á sama tíma hefur ferðunum til Toronto verið fjölgað en ferðunum til þessarar fjölmennstu borgar Kanada frá Birmingham var einmitt fækkað.

Primera Air opnar líka brátt starfstöð á Charles de Gaulle flugvelli í París og þaðan verður flogið til New York, Boston og Toronto frá og með apríl.

Primera Travel Group hyggst einnig opna ferðaskrifstofu í Bretlandi en hingað til hefur félagið fókusað á Norðurlöndin með þess háttar starfsemi en Heimsferðir eru einmitt hluti af samsteypunni.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …