Samfélagsmiðlar

Eurowings fækkar aftur ferðum til Íslands

Forsvarsfólk þýska lággjaldaflugfélagsins Eurowings sér ekki hag í auknu framboði á ferðum til Íslands þrátt fyrir brotthvarf eins helsta keppinautarins.

Þotur Eurowings verða sjaldséðari við Flugstöð Leifs Eiríkssonar í sumar.

Þýska lággjaldaflugfélagið Eurowings hefur síðustu sumur boðið upp á áætlunarflug til Íslands frá þýsku borgunum Stuttgart, Köln, Dusseldorf, Hamborg og Berlín. Stjórnendur félagsins sóttu hins vegar ekki um afgreiðslutíma á Keflavíkurflugvelli í sumar fyrir ferðir frá Stuttgart og Berlín og nú herma heimildar Túrista að flugfélagið hafi aflýst flugi sínu frá Dusseldorf og þá standa aðeins eftir tvær ferðir í viku frá annars vegar Köln og Hamborg yfir sumarmánuðina. Túristi hefur reynt að fá þessar og aðrar breytingar staðfestar hjá upplýsingafulltrúum Eurowings síðustu daga en án árangurs.

Við þennan samdrátt hjá Eurowings bætist að starfsemi Airberlin, eins helsta samkeppnisaðila Eurowings á þýska markaðnum, stöðvaðist í vetur. Bæði félög hafa boðið upp á næturflug héðan til Þýskalands og fara þoturnar þá í loftið frá Keflavíkurflugvelli rétt eftir miðnætti. Sá tími sólarhringins hefur hingað til verið skilgreindur sem háannatími í Flugstöð Leifs Eiríkssonar en umferðin á þessum tíma mun snarminnka í sumar. Ekki aðeins vegna brotthvarfs Airberlin og samdráttar hjá Eurowings heldur líka þar sem Icelandair hefur lagt af ferðir á þessum tíma sólarhrings. Þar með fækkar ferðum félagsins til nokkurra áfangastaða. Til að mynda Munchen en samkvæmt talningu Túrista voru ferðirnar þangað 48 í júlí sl. en verða daglega í sumar. Á móti kemur að Icelandair býður nú í fyrsta sinn í mörg ár upp á áætlunarferðir til Berlínar.

Í heildina verður flogið héðan til 9 þýskra borga í sumar á vegum 5 flugfélaga eins og hér má sjá. En yfir sumarmánuðina eru Þjóðverjar næst fjölmennastir í hópi ferðamanna hér á landi.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …