Samfélagsmiðlar

Fjórðungi fleiri skemmtiferðaskip í sumar

Um 147 þúsund farþegar verða í þeim skipum sem leggjast að bryggju í Reykjavík og Akranesi næstu mánuði.

faxafloahafnir Filippus Johannsson Rotterdam

Sumarvertíð skemmtiferðaskipa hjá Faxaflóahöfnum hófst í fyrra um miðjan maí en í ár er von á fyrsta skipinu nú á föstudag. Það fleyið Magellan sem mun hafa sólarhrings viðdvöl við Skarfabakka og um borð verða 1.452 farþegar. Bíða þarf í tvo mánuði þar til næsta skipakoma er á dagskrá og svo koma skipin eitt af öðru fram í október. Alls verða komurnar hjá Faxaflóahöfnum 168 á þessu tímabili og þar af 16 á Akranesi en þangað hélt aðeins eitt skemmtiferðaskip í fyrra. Samtals fjölgar skipakomunum um 33 í ár eða um fjórðung.

Reiknað er með ríflega 146 þúsund farþegar nýti sér skipaferðirnar til Reykjavíkur í sumar en 768 halda til Akraness samkvæmt því sem kemur fram á heimasíðu Faxaflóahafna. Allt í allt eru þetta um 19 þúsund fleiri farþegar en síðastliðið sumar og lætur nærri að þriðji hver komi frá Þýskalandi. Bandaríkjamenn eru næst fjölmennastir og svo eru það Bretar. Þessar þjóðir eru líka fjölmennastar í hópi þeirra ferðamanna sem kom til landsins í flugi nema þar eru Bandaríkjamennirnir flestir. Til samanburðar má geta að farþegaspá Isavia gerir ráð fyrir um 2,5 milljónum erlendra ferðamanna í flugi til Keflavíkurflugvallar í ár.

Stærsta skip sem komið hefur til Reykjavíkur

Þrívegis í sumar mun MSC Meraviglia koma til hafnar í Reykjavík en þetta er langstærsta skemmtiferðaskip sem komið hefur til Reykjavíkur í tonnum talið. Skipið er var tekið í notkun í fyrra og er 171.598 brútt­ót­onn og 333 metr­ar að lengd. Um borð er rými fyrir rúmlega 4.500 farþega og um fimmtán hundruð manna áhöfn. Ká­et­ur og svít­ur farþeg­anna eru á fimmtán hæðum.

Hugað að losuninni

Síðastliðið sumar var töluverð umræða um mengun frá þeim skemmtiferðaskipum sem liggja við bryggjur hér á landi. Og á vef Faxaflóahafna er að finna ítarlegar upplýsingar um hvernig fyrirtækið stendur að umhverfismálum í kringum komur skemmtiferðaskipa og starfsemi sína almennt. Til að mynda kolefnisjafna Faxaflóahafnir losunina frá skipunum með því að planta skógi í landi Klafastaða í Hvalfjarðarsveit í samstarfi við Skógræktina. Faxaflóahafnir eru jafnframt eitt 130 fyrirtækja á Íslandi sem hafa skuldbundið sig til að draga úr losun gróðurhúsalofttegunda í tengslum við Parísarsamkomulagið.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …