Ennþá laus sæti í rútunum út á flugvöll

Þrátt fyrir tíðar sætaferðir milli höfuðborgarinnar og Keflavíkurflugvallar þá mun hlutfall íslenskra farþega í flugrútunum vera lágt. Íslendingar á leið til útlanda keyra nefnilega í langflestum tilfellum út á Keflavíkurflugvöll og það verður til þess að bílastæðin við Flugstöð Leifs Eiríkssonar fyllast þegar óvenju margir ætla til útlanda. Það varð raunin um síðustu páska og það stefnir í álíka ástandi í ár samkvæmt frétt Mbl.is. Ennþá er þó hægt að bóka stæði fyrirfram og eins og staðan er í núna þá kostar bílastæði frá skírdegi og fram á annan í páskum 7.950 krónur. Ekki mun vera ráðlegt að keyra út á flugvöll yfir páskana án þess að hafa tryggt sér pláss á langtímastæðinu.

Þessi óvenjulega staða gæti orðið til þess að mun fleiri Íslendingar nýti sér sætaferðirnar út á flugvöll næstu daga en þrjú fyrirtæki bjóða upp á ferðir allan sólarhringinn. Verðið er þó mismunandi eins og sjá má á töflunni hér fyrir neðan en ódýrasta fjölskyldufarið er hjá Airport Express en þar kostar miði, báðar leiðir, 9.750 krónur fyrir 2 fullorðna, einn ungling og eitt barn. Hjá Flugrútunni kostar 13.750 kr. fyrir alla fjóra en 14.250 hjá Airport Direct. Samkvæmt athugun Túrista eru ennþá laus sæti hjá fyrirtækjunum á skírdag og annan í páskum.

Strætó keyrir einnig út á flugvöll og kostar stakt fargjald 1.840 krónur en fyrstu ferðirnar eru ekki nógu tímanlega fyrir þá farþega sem eiga bókað far með morgunflugi út í heim. Leigubílastöðvarnar bjóða einnig ferðir út á Keflavíkurflugvöll og kostar skutlið 16 þúsund hjá Hreyfli en 14.500 hjá BSR.

Þeir sem vilja þrátt fyrir allt keyra út á flugvöll geta líka bókað stæði hjá fyrirtækjum eins og Bílahótel og Baseparking.

Annar bandarískur sjóður dottinn út

Forsvarsmaður bandaríska fjárfestingasjóðsins Miri Capital skrifaði fjárfestum sínum bréf undir lok síðasta árs og útskýrði þar kaup sín á bréfum í flugfélaginu fyrir um einn milljarð króna. Í bréfinu var því haldið fram að Icelandair væri verulega vanmetið í Kauphöllinni og að félaginu stæði ekki ógn af Play. „Icelandair gæti fræðilega keypt Play því markaðsvirði … Lesa meira

Munu líka skoða framleiðslu Tesla í Kína

„Ódýrir kínverskir rafbílar flæða inn á heimsmarkaðinn. Verðinu er haldið óeðlilega lágu með háum ríkisstyrkjum,“ sagði Ursula von der Leyen, forseti framkvæmdastjórnar Evrópusambandsins, í stefnuræðu sem hún flutti í Brussel fyrir tveimur vikum síðan. Þar boðaði hún rannsókn á meintum samkeppnisbrotum Kínverja vegna ríkisstuðnings þeirra og niðurgreiðslna á verði rafbíla til útflutnings. Það eru þó … Lesa meira

Ástralskir vínframleiðendur í vanda

Um tveir milljarðar lítra af víni eru í geymslum ástralskra vínframleiðenda sem bíða þess að greiðist úr samskiptum við Kína, sem setti tolla á víninnflutninginn árið 2020 - í miðjum heimsfaraldrinum. Síðan þá hefur líka dregið úr vínneyslu Kínverja eins og margra annarra þjóða.

Fjölga ferðunum hingað frá bílaborginni

Hið bandaríska Delta hóf flug til Keflavíkurflugvallar árið 2011 og hefur síðustu mánuði haldið úti daglegum ferðum hingað frá bæði New York og Minneapolis. Nú í sumar spreytti Delta sig jafnframt á áætlunarflugi hingað frá Detroit í fyrsta sinn. Þegar sumarvertíðinni lýkur formlega í lok október munu þotur félagsins hafa flogið um 800 ferðir milli … Lesa meira

Ennþá laus sæti í rútunum út á flugvöll

Það stefnir í að bílastæðin við Flugstöð Leifs Eiríkssonar fyllist um páskana. Þeir sem vilja leyfa vinum og ættingjum að sofa út í páskafríinu í stað þess að skutla út á flugvöll hafi nokkra kosti í stöðunni en þeir eru mismunandi dýrir.

Annar bandarískur sjóður dottinn út

Ryanair sker niður áætlun vegna flugvélaskorts

Stefnumótun í sjávarútvegi kostar þrefalt meira

Parísarbúar hvattir til að leigja út íbúðir sínar

Munu líka skoða framleiðslu Tesla í Kína

Ástralskir vínframleiðendur í vanda

Fjölga ferðunum hingað frá bílaborginni

Tugir flugmanna til viðbótar sækja um hjá keppinautnum