Hræðist ekki samkeppnina í flugi til New York

Í sumarbyrjun fer United Airlines jómfrúarferð sín til Íslands en bandaríska flugfélagið ætlar að fljúga til Íslands frá Newark flugvelli, skammt frá New York, í sumar og fram á haust. Með tilkomu United Airlines harðnar samkeppnin verulega um farþega á leið milli Íslands og fjölmennustu borgar Bandaríkjanna því Delta, Icelandair og WOW air sinna nú þegar þessari flugleið allt árið um kring.

Í heildina munu farþegar á Keflavíkurflugvelli geta valið á milli hátt í sextíu brottfara í viku hverri héðan til New York en Bob Schumacher, svæðisstjóri United Airlines fyrir Bretland og Ísland, hræðist ekki samkeppnina. „Þjónustan okkar sker sig frá hinum og við erum ekki hrædd við samkeppni. Héðan frá skrifstofunni minni er t.d. stutt í flugbrautirnar við Heathrow en þaðan er hörð samkeppni í flugi til New York. Við stöndum okkur engu að síður vel. Einn helsti styrkleiki United Airlines er starfsstöðin í Newark. Ekki aðeins vegna þess að þaðan er stutt til New York heldur líka vegna þeirrar staðreyndar að þaðan bjóðum við upp á áætlunarflug til meira en 100 áfangastaða. Þetta getur ekkert annað flugfélag boðið upp á.“

Helmingurinn kemur frá New York

Sala á flugmiðum í Íslandsflug United Airlines hófst í byrjun vetrar og Schumacher segir viðtökurnar góðar. Meirihluti farþeganna komi frá Bandaríkjunum eins og við var búist enda er íslenski markaðurinn lítill. „Við fáum farþega frá öllum Bandaríkjunum en helmingurinn er þó frá New York svæðinu eins og reikna má með þegar áætlunarflug hefjst frá svona fjölmennri borg. Aðspurður um hvort stjórnendur United Airlines hafi lengi velt fyrir sér að hefja Íslandsflug þá segir Schumacher að Ísland hafi verið á ratsjánni í töluverðan tíma enda spennandi markaður. „En þetta ræðst líka af flugflotanum og efnhagsástandinu“.

Til að byrja með mun United Airlines aðeins bjóða upp á flug hingað fram á haustið og segir Schumacher það gert til að meta markaðinn frá báðum löndum. Í framhaldinu ræðst svo hvort tímabílið verði lengt. Framkvæmdastjórinn leynir því ekki að hann er ánægður með þá flugtíma sem fengust á Keflavíkurflugvelli og segir þá góða fyrir íslenska farþega því brottförinn vestur er á dagskrá um morguninn. „Fólk lendir þá á Newark á góðum tíma og getur haldið áfram þaðan ef það kýs“.

Tækifæri í sjálftengifarþegum

Með auknu flugi erlendra flugfélaga til Íslands hafa skapast margir möguleikar á því fyrir farþega að fljúga með einu flugfélagi til Keflavíkurflugvallar og halda svo áfram samdægurs með öðru flugfélagi. Schumacher segir félagið sjái að sjálfsögðu tækifæri í þessum sjálftengifarþegum. „Við verðum vör við að markaðurinn er að breytast og þeir farþegar United sem lenda á Íslandi árla dags geta flogið áfram til Evrópu með fjölda flugfélaga, t.d. flugfélögum sem eru með okkur í Star Alliance.“

Fyrsta ferð United Airlines frá Íslandi er á dagskrá 24.maí.

Rafbílabyltingin þarf margfalt fleiri hleðslustöðvar

Skortur á hleðsluinnviðum og hátt framleiðsluverð tefur rafbílavæðinguna. Í Evrópusambandslöndunum þyrfti að setja upp 14 þúsund nýjar rafhleðslustöðvar í hverri viku til að markmiðum um kolefnishlutleysi verði náð og þær verður að setja upp miklu víðar - líka í fátækari löndunum. Framleiðslukostnaður vð rafbíla fer hinsvegar lækkandi.

Hlutabréfin í Viaplay hríðfalla

Stjórnendur norrænu efnisveitunnar Viaplay sendu í nótt frá sér kauphallartilkynningu þar sem tilkynnt var um brottrekstur forstjórans og eins voru afkomuspár afturkallaðar, bæði til skemmri og lengri tíma. Gengi hlutabréfa í Viaplay hefur fallið um sextíu prósent í kauphöllinni í Stokkhólmi í dag. Skýringin á versnandi horfum í rekstri Viaplay skrifast á fækkun áskrifenda sem … Lesa meira

Boða verkföll í sumar

Stéttarfélag þeirra sem vinna vopnaleit á Heathrow flugvelli í London ætlar að boða til vinnustöðvanna frá miðjum júní og fram í ágúst. Ekki liggur fyrir hvaða daga gripið verður til aðgerðanna en af þeim verður er viðbúið að mikil truflun verði á brottförum frá þessum stærsta flugvelli Bretlands. Stjórnendur Heathrow flugvallar segjast ekki hafa trú … Lesa meira

Seldu mun fleiri áfengislítra en fyrir heimsfaraldur

Það seldust rúmlega 24 þúsund lítrar af áfengi í Áfengis- og tóbaksverslun ríkisins í fyrra samkvæmt nýrri ársskýrslu. Aðeins tvisvar sinnum áður hefur salan verið meiri í lítrum talið. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna áskriftarleiðir. Netfang Lykilorð Muna mig Gleymt lykilorð

„Metnaðarfull áform um vöxt“

Eftir breytingar í eigendahópi á Arctic Adventures ekki lengur hlut í ferðaþjónustufyrirtækjum í Alaska. Nýi forstjórinn, Ásgeir Baldurs, segir að helsta verkefnið nú sé að tryggja stöðugleika í rekstrinum. Fyrst um sinn einbeiti félagið sér að starfseminni hér heima - en stefnt sé að því að stækka félagið og hugsanlega setja á markað.

Hræðist ekki samkeppnina í flugi til New York

Framkvæmdastjóri United Airlines segir að þó baráttan verði hörð um farþega á Keflavíkurflugvelli þá efist hann ekki um einstaka stöðu bandaríska flugfélagsins á íslenska markaðnum.