Samfélagsmiðlar

Um þriðjungi færri með leyfi fyrir heimagistingu

Listinn yfir þá aðila sem bjóða upp á skammtímaleigu á íbúðahúsnæði í takt við gildandi reglur hefur styst umtalsvert frá áramótum.

Mynd: Sigurjón Ragnar/sr-photos.com

Í byrjun síðasta árs gengu í gildi nýjar reglur um skammtímaleigu á húsnæði og samkvæmt þeim verða allir þeir sem stunda þess háttar starfsemi að vera með sérstakt leyfi. Um síðustu áramót voru í gildi tæplega 1100 leyfi en í dag er fjöldinn kominn niður í 726. Þetta má sjá á vefsíðunni Heimagisting.is en þar er að finna lista yfir alla skráða heimagistingu í landinu og hefur hann styst þónokkuð frá því í byrjun árs.

Það er Sýslumaðurinn á höfuðborgarsvæðinu sem veitir leyfin og gilda þau innan almanaksársins en ekki til 12 mánaða eins og einhverjir gætu haldið. Og sá munur er mögulega ein af ástæðum þess að færri eru nú með leyfi en áður en önnur skýring gæti verið sú að þeim fari fækkandi sem sjá hag í því að leigja út húsnæði til skemmri tíma.

Hvort framboð á heimagistingu hafi dregist saman í takt við fækkandi leyfi er þó ekki hægt að sannreyna eins og staðan er núna. Til að mynda vilja forsvarsmenn bandaríska fyrirtækisins Airbnb, sem er umsvifamest í útleigu á íbúðahúsnæði til ferðamanna hér á landi, ekki viljað veita upplýsingar um reksturinn sinn á Íslandi. En samkvæmt þeim tölum sem finna mátti á Mælaborði ferðþjónustunnar þá hafði Airbnb um 4.500 íslenska gistikosti á sinum snærum í fyrra.

Niðurstöður landamærakönnunar Ferðamálastofu sýna að sjöundi hver ferðamaður hér á landi bókar heimagistingu. Hlutfallið er þó mjög mismunandi eftir þjóðum, til að mynda fer fimmti hver ferðamaður frá N-Ameríku í íbúðagistingu á meðan aðeins einn af hverjum tíu túristum frá Norðurlöndunum bókar þess háttar. Þessar landamærakannanir eru nýjar af nálinni og því ekki hægt að segja til um hvernig hlutdeild heimagistingar á gistimarkaðnum hefur þróast.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …