Samfélagsmiðlar

Mikið framboð á ferðum í kringum rauðu dagana í vor

Það eru fjórar langar helgar framundan og úrvalið ódýrum farmiðum út í heim er umtalsvert og eins hafa ferðaskrifstofurnar ýmislegt á boðstólum.

London Piccadilly Julian LoveLondon and Partners

Af öllum þeim tugum áfangastaða sem hægt er að fljúga til næstu vikur þá er farið almennt ódýrast til London.

Það eru líklega þúsundir Íslendinga á leið heim úr páskaferðum í dag og þá verða aftur laus bílastæði við Keflavíkuflugvöll. Og þó stæðin fyllist ólíklega á næstunni þá má gera ráð fyrir að þau verði þétt skipuð í kringum þær fjóru löngu helgar sem framundan eru í apríl og maí. Þessa stöku frídaga er nefnilega vinsælt að nýta í stuttar borgarferðir út í heim og það sést meðal annars á því að ferðaskrifstofurnar eru með úrval af pakkaferðum í kringum þessa daga.

Við það bætist svo allt áætlunarflugið til Evrópu og N-Ameríku en framboðið hefur aldrei verið meira og samkvæmt athugun Túrista er hægt að finna töluvert af hagstæðum fargjöldum í kringum sumardaginn fyrsta (19. apríl), 1. maí, uppstigningardag (10. maí) og annan í hvítasunnu (21. maí). Hið mikla framboð á flugi héðan til London er sennilega helsta ástæða þess að þangað er alla jafna ódýrasta að fljúga, til dæmis fæst farmiði með Wizz Air 9. til 13. maí á um 5.800 krónur, báðar leiðir. Til borgarinnar má líka komast fyrir um 10 þúsund í kringum hina þrjá dagana. Til Barcelona má finna flugmiða á um 20 þúsund krónur og til New York er hægt að fljúga fyrir um 35 þúsund kr. svo nokkur dæmi séu nefnd.

En sem fyrr segir þá er úrvalið mjög mikið og til að einfalda sér leitina þá mælir Túristi með leitarvélum eins og Momondo og Kiwi. Báðar þessar leitarvélar birta dagatal í kringum þær dagsetningar sem eru valdar og því einfalt að sjá hvort hagstæðara er að fljúga út deginum fyrr eða síðar. Hér er svo listi yfir alla þá áfangastaði sem flogið er til næstu vikur en með því að slá inn nafn lands eða borgar þá má hvaða flugfélög fljúga hvert. Til að finna gistingu þá er leitarvél HotelsCombined hentug til að bera saman tilboð á milli hótelbókunarfyrirtækja.

Ferðaskrifstofurnar bjóða líka upp á borgarferðir í kringum frídagana í apríl og maí. Hjá Úrval-Útsýn eru nú til sölu ferðir til Tórínó, Rómar og Lissabon og Vita er einnig með ferð til portúgölsku höfuðborgarinnar.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …