Samfélagsmiðlar

Einn vefur fyrir allt hjá Isavia

Í stað þess að dreifa upplýsingunum á milli ólíkra heimasíðna þá hefur öllu verið safnað saman á einn stað.

Forsíða nýju heimasíðu Isavia.

Nærri 8,8 milljónir farþega áttu leið um Flugstöð Leifs Eiríkssonar í fyrra og flettingarnar á heimasíðu flugvallarins eru einnig taldar í milljónum. Færri fara um innanlandsflugvellina en um þá þurfa líka að vera góðar upplýsingar og nú geta farþegar, flugmenn og allir aðrir nálgast helstu upplýsingar um alla íslenska flugvelli á nýjum vef Isavia. Þar eru einnig að finna ýmislegt um starfsemi Isavia. Gunnar K. Sigurðsson, markaðsstjóri Isavia, svaraði nokkrum spurningum um vefmál fyrirtækisins.

Hver er tilgangurinn með breytingunni?
Markmiðið er að gera notendavænan vef sem sameinar alla flugvelli Isavia með áherslu á að stórbæta þjónustu við farþega. Við vorum áður að reka þrjá vefi, einn fyrir Keflavíkurflugvöll, annan fyrir Isavia og þriðja fyrir verslanir og veitingar á Keflavíkurflugvelli. Nú geta farþegar um alla flugvelli Isavia farið inná einn öflugan vef með öllum upplýsingum um flugtíma og þjónustu í boði á hverjum stað. Þetta er ekki síst jákvætt til að kynna möguleika í flugi innanlands fyrir þá erlendu ferðamenn sem heimsækja landið í gegnum Keflavíkurflugvöll. Þá er einnig lögð áhersla á betri þjónustu við þá sem þurfa að sækja upplýsingar til Isavia um ástand flugbrauta, veður og aðrar forflugsupplýsingar, og eins þá sem eru að fylgjast með þróun flugs um flugvelli og íslenska flugstjórnarsvæðið.

Hvernig skiptast heimsóknir á heimasíðu Keflavíkurflugvallar á milli íslenska og enska hluta hans?
1,4 milljónir notenda heimsóttu síðuna 4,8 milljón sinnum ef við tökum eitt ár aftur í tímann. 4 milljónir flettinga voru á ensku síðunni á móti 7 milljón flettinga íslensku megin.

Er einhver hluti síðunnar sem kemur þér á óvart hversu mikið hann er lesinn?
Upplýsingar um MNPS tengt flugleiðsögu fær mjög margar heimsóknir. Mjög tæknilegar upplýsingar um aðskilnað flugfara í flugstjórnarsvæði Íslands.

Hafið þið bætt við upplýsingum á síðuna sem voru þar ekki áður?
Mikið af þeim upplýsingum sem eru á síðunni voru til staðar áður. Áherslan er að gera upplýsingarnar aðgengilegri og betri og á skýrari stað á vefnum, eftir því hvort þú ert farþegi eða að sækja upplýsingar um fyrirtækið Isavia. Ein stór nýjung er þó þjónusta sem gerir farþegum kleyft að sjá uppfærslur á komu og brottfarartímum á sínu flugi á Keflavíkurflugvelli í gegnum Facebook Messenger og Twitter. Þetta einfaldar lífið fyrir farþega sem geta fylgst með í snjallsímanum hvenær staða flugs breytist og t.d. byrjað er að hleypa um borð í sínu flugi, seinkanir, aflýsingar o.s.frv. Eins þá höfum við stórbætt þann möguleika að skoða þá áfangastaði sem eru í boði frá Keflavíkurflugvelli, og geta notendur nú séð auðveldlega hvert er flogið, hvaða flugfélög sjá um flug til áfangastaðarins og á hvaða tíma dags.

Hver eru næstu skref með þróun heimasíðunnar?

Næstu skref er að koma messenger og twitter þjónustunni í gagnið á fleiri flugvöllum en einnig bæta enn frekar upplýsingar á síðunni, t.d. gera flugtölfræði aðgengilegri, bæta upplýsingar fyrir ferðamenn um innanlandsflugvelli, kerfið og hvað er í boði út á landi t.d. með Google maps og ýmislegt fleira. Við hvetjum síðan sem flesta til þess að nýta sér nýju messenger og twitter þjónustuna en það er gert með því einfaldlega finna flugið sitt á síðunni og smella á það (Sjá myndband hér fyrir neðan).

En kemur sérstakt app frá Isavia?

Hugmyndir eru um að gera flugvallaapp sem ætti við um alla flugvelli og sem ekki þyrfti endilega að sækja í app verslanirnar heldur sé innbyggt í vafrann. Þarfagreining fer í gang á næstunni.

Notendur vefsíðu Keflavíkurflugvallar geta áfram notast við lénið www.kefairport.is en annars eru allir flugvellir á Íslandi aðgengilegir í gegnum lénið www.isavia.is.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …