Samfélagsmiðlar

Íslensku símafyrirtækin gera sig klár fyrir HM í Rússlandi

Það stefnir í að mörg þúsundir Íslendinga verði á ferðinni í Rússlandi í sumar og íslensku símafyrirtækin eru af þeim sökum að gera breytingar á verðskrám sínum.

Það borgar sig að bóka sérstaka ferðaþjónustur símafyrirtækjanna áður en lagt er í hann til Rússlands.

Það var geysimikil eftirspurn eftir miðum á fyrsta leik íslenska karlalandsliðsins á HM í Rússlandi í sumar og fastlega má gera ráð fyrir þúsundum Íslendinga í Moskvu þann 16. júní. Fjöldi fólks mun svo halda til Volgograd og Rostov í framhaldinu og jafnvel víðar ef landsliðinu gengur vel.  Margir þessara íslensku ferðalanga munu svo vafalítið nýta sér snjallsímann til að rata um götur þessara borga enda eru ekki margir á heimavelli í Rússlandi. Og svo munu símtækin auðvitað nýtast vel til að deila gleðinni með fólkinu heima í gegnum samfélagsmiðlana.

Það kostar hins vegar íslenskan símnotanda þúsundir króna að nota Google Maps eða Facebook í Rússlandi í nokkrar mínútur eins og staðan er í dag. Nema ef viðkomandi hafi áður virkjað þær sérþjónustur sem símafyrirtækin bjóða viðskiptavinum sínum upp á í tengslum við ferðalög út í heimi.

Rússland hefur þó ekki alltaf verið hluti af þessum þjónustuleiðum og þannig var landinu nýverið bætt við Ferðapakka Símans og til stendur að gera slíkt hið sama hjá Hringdu. Hjá Vodafone er Rússland eitt þeirra landa sem Traveller-þjónusta fyrirtækisins nær til og segir Guðfinnur Sigurvinsson, samskiptastjóri, að nú sé unnið að því útvíkka samninganet fyrirtækisins í Rússlandi til að tryggja betra samband og hagstæðari kjör. Hin almenna verðskrá íslensku símafyrirtækjanna fyrir símanotkun í Rússlandi er þó ennþá há en verðið mun lækka áður en íslensku stuðningsmennirnir halda til Rússlands. Hjá Símanum verður til að mynda verðið á gagnanotkun lækkað úr 2.990 kr. per megabæt niður í 99 kr. um næstu mánaðarmót að sögn Guðmundar Jóhannssonar, samskiptafulltrúa. Þrátt fyrir þá miklu lækkun þá mælist Guðmundur til þess að þeir viðskiptavinir Símans sem stefni á HM virkji Ferðapakkann áður en haldið er út.

Þess háttar þjónusta kostar 890 kr. hjá Nova, 990 kr. hjá Hringdu og Vodafone en 1.000 kr. hjá Símanum. Það sama er innifalið í daggjaldinu hjá símafyrirtækjunum fjórum, þ.e. símtöl til Íslands, SMS, MMS og móttekin símtöl auk 500 megabæta. Eins og sjá má á töflunni hér fyrir neðan þá ætti það gagnmagn að duga hefðbundnum notanda.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …