Samfélagsmiðlar

Nærri 4,7 milljónir á ári fyrir stjórnarformann Isavia

Laun stjórnarfólks Isavia voru hækkuð á ársfundi ríkisfyrirtækisins fyrir helgi. Stjórnarformaðurinn er á hærri launum en starfsbróðir hans í Finnlandi.

Ingimundur Sigurpálsson stjórnarformaður Isavia.

Í lok síðustu viku var ný stjórn Isavia skipuð en þá fór fram ársfundur þessa opinbera hlutafélags.  Venju samkvæmt eru það aðeins fulltrúar flokkanna á Alþingi sem sitja í stjórninni en segja má þetta fyrirkomulag vera séríslenskt því stjórnir þeirra fyrirtækja sem sjá um rekstur flugvallanna í Noregi og Svíþjóð eru ekki skipaðar pólitískt líkt og Túristi greindi frá.

Á ársfundi Isavia var samþykkt að laun stjórnarmanna myndu hækka úr 180 þúsund krónum á mánuði í 195 þúsund kr. fyrir starfsárið 2018 til 2019. Stjórnarformaðurinn fær tvöfalda þá upphæð en það er Ingimundur Sigurpálsson, fulltrúi Sjálfstæðisflokksins, sem hefur verið formaður stjórnarinnar síðan árið 2014. Eftir hækkunina mun hann fá nærri 4,7 milljónir á ári fyrir formannsembættið. Ingimundur er einnig forstjóri Íslandspósts sem jafnframt er í eigu hins opinbera.

Næst hæstu stjórnarlaunin frá Isavia fær Matthías Imsland, fulltrúi Framsóknarflokksins, því hann situr bæði í stjórn Isavia og Fríhafnarinnar, sem er dótturfélag þess fyrrnefnda. Mánaðargreiðslur til Matthíasar munu nema 315 þúsund krónum eða sem samsvarar nærri  3,8 milljónum á ári. Ragnheiður Elín Árnadóttir, fyrrum ráðherra Sjálfstæðisflokksins og núverandi formaður stjórnar Fríhafnarinnar, fær 240 þúsund kr. á mánuði eða um 2,9 milljónir á ári fyrir formennskuna hjá Fríhöfninni. Almennir stjórnarmenn í Isavia fá rúmar 2,3 milljónir kr. á ári en þau sem sitja í stjórn Fríhafnarinnar fá tæpa eina og hálfa milljón á ári.

Finnar borga fyrir stjórnarfundi

Sem fyrr segir nemur mánaðarleg greiðsla til stjórnarformanns Isavia 390 þúsund krónum á mánuði en til samanburðar má þess geta að formaður stjórnar Finavia, ríkisfyrirtækisins sem sér um rekstur flugvallanna í Finnlandi, nemur 205 þúsund krónum (1700 evrur). Sá fær einnig greiddar um 60 þúsund krónur fyrir hvern fund en varamenn í stjórn Isavia fá betur borgað eða 80 þúsund kr. fyrir þá fundi sem þau sitja. Í fyrra mætti finnski stjórnarformaðurinn á alla stjórnarfundi Finavia og fékk samtals um 4,3 milljónir fyrir störf sín.

Túristi hefur óskað eftir upplýsingum um hversu margir stjórnarfundirnir voru hjá Isavia á síðasta starfsári og hversu vel stjórnarmeðlimir mættu. En sem fyrr segir eru þess háttar upplýsingar birtar í ársskýrslu Finavia.

Í upphaflegri útgáfu fréttarinnar kom fram að stjórnarfundir hjá Finavia hafi verið 30 talsins í fyrra. Var þar miðað við heildargreiðslur til stjórnarformannsins en hann fær greitt sérstaklega fyrir hver fund. Hið rétta er hins vegar að stjórnarfundirnir voru aðeins 13 talsins en hinir 17 fundirnir sem stjórnarformaðurinn fékk greitt fyrir voru með stjórnendum starfsmannamála Finavia.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …