Samfélagsmiðlar

Öllum frjálst að stunda akstur til og frá Bláa lóninu

Forsvarsmenn Bláa lónsins vísa fullyrðingum Gray Line um samkeppnishindranir á bug.

Ferðaþjónustufyrirtækið Gray Line tilkynnti í gær að fyrirtækið myndi segja upp um 15 starfsmönnum í kjölfar samdráttar í sætaferðum til og frá Bláa lóninu. Breytingin er rakin til þess að Bláa lónið, í samstarfi við Hópbíla, býður nú upp á sínar eigin ferðir til og frá baðstaðnum og nú bjóðist Gray Line því ekki lengur að selja miða ofan í lónið með áætlunarferðunum. Í tilkynningu sem Bláa lónið sendi frá sér í dag er þessum fullyrðingum vísað á bug.

„Gray Line hefur í krafti stærðar sinnar notið þeirrar sérstöðu undanfarin ár, umfram flesta aðra samkeppnisaðila þeirra á ferðaþjónustumarkaðnum, að hafa fengið að selja aðgang að Bláa Lóninu í gegnum rafræna beinlínutengingu. Fjölmargir ferðaþjónustuaðilar hafa, þrátt fyrir sérstöðu Gray Line að þessu leyti, stundað hópferðaakstur til og frá Bláa Lóninu bæði með og án þess að selja aðgang að samhliða. Með því að fella niður rafræna beinlínutengingu Gray Line við kerfi Bláa Lónsins er þannig þvert á móti verið að jafna stöðu Gray Line og annarra aðila á ferðaþjónustumarkaði.“

Í tilkynningunni segir jafnframt að ástæða þess að Bláa lónið bjóði nú sjálft upp á sætaferðir að baðstaðnum sé sú að þannig megi bjóða upp á víðtækari þjónustu, tryggja samræmi, bæta upplifun gesta og jafna flæði gesta. Tekið er fram að þessar breytingar hafi legið fyrir í langan tíma og því verið stjórnendum Gray Line að fullu kunnar. „Hér eftir sem hingað til er öllum ferðaþjónustuaðilum frjálst að stunda akstur til og frá Bláa Lóninu og mun Bláa Lónið hf. áfram kappkosta að eiga gott samstarf við fjölmarga samstarfsaðila sína í íslenskri ferðaþjónustu,“ segir að lokum í tilkynningunni.

Líkt og Túristi benti á í gær þá er þessi deila sem nú er komin upp milli Bláa lónsins og Gray Line m.a. merkileg fyrir þær sakir að forsvarsmenn fyrirtækjanna tveggja hafa síðustu ár leitt Samtök ferðaþjónustunnar. Grímur Sæmundsen, forstjóri Bláa lónsins, var formaður samtakanna en Þórir Garðarsson, stjórnarformaður Gray Line, varaformaður. Þeir létu báðir af embættum í síðasta mánuði þegar ný forysta samtakanna var kjörin.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …