Samfélagsmiðlar

Skúli sviptir brátt hulunni af Asíuplaninu

WOW air tekur á móti fjórum niður breiðþotum í lok árs og af orðum forstjórans að dæma þá verða þær meðal annars nýttar í lengri flugferðir austur á bóginn.

wow skuli airbus

Skúli Mogensen, forstjóri og eigandi, WOW air horfi í austur þessa dagana.

Skúli Mogensen, stofnandi og forstjóri WOW air, hefur ekki farið leynt með áform sín um að hefja flug til Asíu. Ennþá hefur félagið þó ekki tilkynnt um áætlunarferðir þangað en haft var eftir Skúla á Mbl.is í gærkvöld að brátt komi í ljós hvernig sótt verði inn á Asíumarkað. En flugfloti WOW air fer nú ört stækkandi og til að mynda munu 4 breiðþotur bætast við flugflota WOW air í lok árs. Þær eru af gerðinni Airbus 330-900neo og henta vel fyrir flugið austur.

Líkt og áður hefur komið fram þá er mikill áhugi á Íslandsflugi frá Hong Kong en þangað tekur um tólf og hálfan tíma að fljúga á meðan flugtíminn til Peking, höfuðborgar Kína, er tveimur tímum styttri. Sendiherra Kína sagði nýverið að hann vildi sjá bæði kínverskt og íslenskt flugfélag sinna áætlunarflugi milli landanna tveggja en stærstu flugfélög Kína munu í ár hefja áætlunarflug til Kaupmannahafnar, Stokkhólms og Helsinki. Það er því ekki ólíklegt að Ísland bætist við fyrr en síðar en kínverskum ferðamönnum hefur fjölgað hratt hér síðustu ár. Og reyndar munu spár yfirvalda þar í landi gera ráð fyrir miklu fleiri Kínverjum á íslenskri grundu innan fárra ára.

WOW air horfir þó ólíklega bara til Kína heldur líka til Japan og jafnvel Indlands. Að fljúga til Nýju-Delhí tekur til að mynda rúma 10 klukkutíma og finnska flugfélagið Finnair, sem er stórtækt í Asíuflugi, flýgur til þriggja áfangastaða í Indlandi á meðan áfangastaðirnir eru sex í Kína og jafnmargir í Japan. Áætlunarferðirnir milli Norðurlanda og Asíu einskorðast því langt því frá aðeins við höfuðborgirnar. WOW gæti séð sér leik á borði með því að fara til fjölmennra svæða í Asíu þar sem framboð á Evrópuflugi er lítið í dag.

Síðustu ár hefur WOW air fjölgað mjög áfangastöðum sínum vestanhafs og til að mynda hefur flugfélagið boðið upp á vetrarflug til bæði Los Angeles og San Francisco síðustu tvo vetur. Í dag er hins vegar ekki hægt að bóka flug með WOW air til þessara tveggja fjölmennustu borga Kaliforníu frá og með næsta nóvember en Svanhvít Friðriksdóttir, upplýsingafulltrúi WOW, staðfestir að báðar borgirnar verði hluti af áætlun komandi vetrar hjá flugfélaginu.

 

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …