Samfélagsmiðlar

770 þúsund gestir á vegum Airbnb

Það leikur vafi á því hver raunveruleg umsvif Airbnb eru hér á landi enda veitir fyrirtækið litlar upplýsingar um gang mála. Miðað við þær tölur sem þó hafa fengist má gera ráð fyrir að stærð bandarísku gistimiðlunarinnar hafi verið ofmetin undanfarið.

Mynd: Sigurjón Ragnar/sr-photos.com

Á síðasta ári voru 1,9 milljónir gistinátta hér á landi seldar af fyrirtækjum eins og Airbnb samkvæmt mati sem Hagstofan sendi frá sér nýverið. Þetta er miklu lægri tala en kom fram í ferðaþjónustuskýrslu Íslandsbanka í apríl en þar sagði að 3,2 milljónir gistinátta hér á landi í fyrra mætti rekja til Airbnb. „Airbnb er því orðin næstumfangsmesta gistiþjónusta landsins og um þrisvar sinnum stærri en sú þriðja umfangsmesta sem eru gistiheimili,“ sagði í bankaskýrslunni. Þar voru jafnframt leiddar líkur að því að hlutdeild Airbnb á gistimarkaðnum í ár gæti orðið meiri en allra hótela landsins samanlagt.

Útreikningar Íslandsbanka byggja meðal annars á tölum af Mælaborði ferðaþjónustunnar en þau gögn sem þar eru koma frá fyrirtækinu Airdna. Það fyrirtæki sérhæfir sig í rannsóknum á bandarísku gistimiðluninni en forsvarsmenn Airbnb hafa aftur á móti sagt að þær upplýsingar sem Airdna birtir gefi ekki rétta mynd af rekstri fyrirtækisins. Talsmenn Airbnb hafa þó kosið að útskýra ekki hversu mikil skekkjan er þegar eftir því hefur verið leitað.

Það eru þó vísbendingar um að í skýrslu Íslandsbanka sé verulegt ofmat á stærð Airbnb á Ísland samkvæmt þeim tölum sem Túristi komst yfir um umsvif bandaríska fyrirtækisins á Íslandi árið 2016 og þeim tölum sem fyrirtækið sendi frá sér nýverið. Í þessum nýju tölum segir að samtals hafi gestir Airbnb verið 770 þúsund á Íslandi árið 2017 en þeir voru 520 þúsund í fyrra. Hins vegar fást engar upplýsingar um dvalartíma gestanna eða heildarfjölda gistinátta á síðasta ári. Túristi hefur ítrekað beðið upplýsingafultrúa Airbnb um þær tölur en fær ávallt neitun. Í tölunum fyrir árið 2016, sem þó eru ekki opinberar, kemur fram að gestir Airbnb í hittifyrra hafi að jafnaði gist á Íslandi í 2,5 nætur. Ef við gefum okkur að meðaldvalarlengdin hafi verið sú sama í fyrra þá hafa gistinætur Airbnb á Íslandi í fyrra verið rétt rúmlega 1,9 milljón.

Það er sama tala og Hagstofan gefur sér að Airbnb og aðrar álíka þjónustur hafi selt af gistingu hér á landi í fyrra. Og ef umsvifin hafa verið þessi þá ljóst að Airbnb á ennþá langt í land með að ná hótelunum að stærð. Á hinn bóginn þá þýðir þetta hugsanlega ofmat í skýrslu Íslandsbanka, á umsvifum Airbnb, að meðaldvalartími ferðamanna hér á landi hefur styst en ekki staðið í stað líkt og fullyrt er í skýrslu bankans.

Þess ber svo að geta að Airbnb selur ekki aðeins gistingar í heimahúsum, tjöldum og bílum heldur líka á gistihúsum og jafnvel hótelum. Hluti af sölunni kemur því fram í opinberri skráningu á gistingu og svo verður heldur ekki horft fram hjá því að hluti af Airbnb gistingu í heimahúsum er í samræmi við lög og er því ekki óskráður.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …