Samfélagsmiðlar

Segir kaup Tripadvisor á Bókun vera óheppilega þróun

Innan ferðaþjónustunnar munu ófáir vera uggandi yfir því að viðskiptasaga fyrirtækja þeirra sé nú komin í hendur bandarísku ferðasíðunnar að einhverju eða öllu leyti. Ferðamálastjóri deilir þeim áhyggjum.

Island seljalandsfoss taylor leopold

Tilkynnt var um kaup Tripadvisor á íslenska hugbúnaðarfyrirtækinu Bókun í lok síðasta mánaðar. En það síðarnefnda rekur samnefnt sölu- og birgðakerfi og hefur það náð mikilli útbreiðslu hér á landi. Þannig mun stór hluti þeirra íslensku ferðaþjónustufyrirtækja, sem selja afþreyingu til ferðamanna, vera í viðskiptum við Bókun. Í kerfinu eru ekki aðeins að finna upplýsingar um allar bókanir og söluverð síðustu ára heldur líka gögn um hvernig salan fór fram, hverjir pöntuðu og ýmislegt fleira.

Að þessar ítarlegu upplýsingar séu nú komnar til Tripadvisor veldur óróa hjá viðmælendum Túrista innan ferðþjónustunnar. Jafnvel þó gögnin kunni í raun að vera eign fyrirtækjanna sjálfra. Aðspurður um þessar áhyggjur segir Hjalti Baldursson, framkvæmdastjóri Bókunar, að hann megi ekki tjá sig þessi mál og vísar þess í stað á upplýsingafulltrúa Tripadvisor. Túrista hafa þó ekki borist nein svör frá bandaríska fyrirtækinu frá því að eftir þeim var óskað fyrir viku síðan.

Ekki með hagsmuni íslenskra fyrirtækja að leiðarljósi

Skarphéðinn Berg Steinarsson, ferðamálastjóri, telur hins vegar ljóst að gögnin sem finna má í kerfum Bókunar séu viðkvæm. „Þetta er óheppileg þróun. Hagsmunir ferðaþjónustunnar á Íslandi er að minnka umfang erlendra bókunarsíðna en nú er ein af þeim stærstu að kaupa bókunarkerfið sem er nánast alls ráðandi hér á landi. Hjá Bókun liggja mjög viðkvæmar upplýsingar um sölu allra þessara fyrirtækja og Tripadvisor getur hagnýtt sér þær og það verður ekki með hagsmuni innlendra ferðaþjónustfyrirtækja að leiðarljósi,” segir Skarphéðinn.

Eftirlitinu hafa borist ábendingar

Því fer fjarri að með kaupunum á Bókun sé Tripadvisor að hefja starfsemi hér á landi. Bandaríska fyrirtækið eru nú þegar umsvifamikið á íslenska markaðnum og til að mynda hefur það á boðstólum rúmlega sjö hundruð mismunandi skoðunarferðir og afþreyingarmöguleika fyrir ferðafólk hér á landi. Tripadvisor þiggur þóknun frá íslenskum ferðaþjónustufyrirtækjum fyrir söluna en hún fer aðallega fram í gegnum dótturfélag þess sem kallast Viator. Þrátt fyrir þessi miklu umsvif þá segir Páll Gunnar Pálsson, forstjóri Samkeppniseftirlitsins, að ekki sé hægt að slá því föstu hvort samruni Tripadvisor og Bókunar sé tilkynningarskyldur hér á landi. „Hins vegar hafa eftirlitinu borist ábendingar er varða kaupin,” bætir Páll Gunnar við.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …