Samfélagsmiðlar

Virkar ekki fyrir flugfélög að reka hótel

Stjórn Icelandair Group hefur ákveðið að selja hótelreksturinn en það er fátítt að flugfélög í dag séu jafnframt á gistimarkaðnum.

Canopy by Hilton í miðborg Reykjavíkur er rekið af Icelandair hótelunum.

„Almennt virkar það ekki fyrir flugfélög að eiga hótel og þetta er ekki viðskiptamódel sem gengur upp annars staðar í Evrópu. En gæti gert það á Íslandi,” sagði Jacob Pedersen, yfirmaður greiningardeildar Sydbank í Danmörku, í samtali við Túrista fyrir tveimur árum. Pedersen er virtur álitsgjafi í dönskum fjölmiðlum um norræn flugfélög en í þeim hópi eru eigendur Icelandair og WOW air sér á báti. SAS hefur nefnilega fyrir löngu selt öll sín hótel og stór flugfélög eins og Finnair og Norwegian hafa ekki farið út í hótelrekstur. Talsmaður þess síðarnefnda sagði í fyrrnefndri frétt Túrista að þar væru engin áform uppi um að eignast hótel. „Við einbeitum okkur að kjarnastarfseminni sem er að bjóða upp góðar flugsamgöngur á lágu verði,” sagði Lasse Sandaker Nielsen, talsmaður Norwegian, við Túrista.

Icelandair hefur hins vegar lengi verið stórtækt á íslenska gistimarkaðnum og Skúli Mogensen, forstjóri og eigandi WOW air, átti gistihús á gamla varnarliðssvæðinu og hyggst opna hótel í Kópavogi. Íslensku flugfélögin hafa því farið aðra leið en þau norrænu og reyndar er leit að vestrænu flugfélagi sem rekur líka gististaði. SAS seldi Radisson hótelin sín árið 2009 og í dag eru engin tengsl lengur milli easyJet flugfélagsins og easyhótelanna.

Nú hefur stjórn Icelandair hins vegar ákveðið að einbeita sér að flugrekstrinum og selja hótelin líkt og kom fram í tilkynningu á föstudag. Um er að ræða 13 gististaði með samtals nærri tvö þúsund hótelherbergi og munu innlendir og erlendir aðilar hafa sýnt kaupum á þessari starfsemi áhuga.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …