Samfélagsmiðlar

WOW air boðar til blaðamannafundar í Nýju-Delí

Á þriðjudaginn ætlar Skúli Mogensen að kynna Indverjum áform sín um flug til landsins.

Innan nokkurra mánaða gætu boðist beinar flugferðir héðan til Nýju-Delí.

Indverskum blaðamönnum hefur verið boðið að hitta Skúla Mogensen, forstjóra og eigenda WOW air, á hinu fimm stjörnu Oberoi hóteli, í útjaðri Nýju-Delí, í hádeginu á þriðjudag. Þar hyggst Skúli skýra frá áætlunum flugfélagsins um að hefja flug til Indlands og í ljósi staðsetningar fundarins má gera ráð fyrir að Nýja-Delí verði fyrsti áfangastaður WOW air í Asíu. Þetta kemur fram í danska ferðamiðlinum Checkin.dk.

Búist hefur verið við að WOW air svipti hulunni af áformum félagsins í Asíu nú vor enda bætast fjórar stórar breiðþotur við flugflotann í lok árs og þar með gefst færi á að útvíkka leiðakerfið verulega. Skúli hefur líka víða talað um að hann sjái tækifæri í beinu flugi frá Keflavíkurflugvelli til fjölmargra áfangastaða í Asíu. Er þá líklega fyrst og fremst horft til skiptifarþega á leið milli Asíu og N-Ameríku en líka erlenda ferðamenn á leið til Íslands. Það tekur álíka langan tíma að fljúga frá Keflavíkurflugvelli til Nýju-Delí og það tekur að fljúga til San Francisco eða um níu og hálfan klukkutíma.

Líkt og Túristi greindi frá þá ætlar Icelandair einnig að hefja flug til Indlands en það yrði ekki fyrr en næsta haust. Það er því ljóst að fljótlega gæti flóra flugfarþega á Keflavíkurflugvelli orðið nokkru fjölbreyttari en nú er.

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …