Samfélagsmiðlar

Boðar hærri fargjöld

Olíuverð hefur hækkað það mikið síðustu misseri að það verður ekki komist hjá því að hækka farmiðaverðið að mati forsvarsmanna Norwegian.

Það þarf fleiri tonn af eldsneyti til að koma farþegaþotu á milli staða. Hátt olíuverð hefur því alla jafna áhrif á farmiðaverðið.

Norska lágfjargjaldafélagið Norwegian flýgur hingað til lands frá átta evrópskum borgum og flugmiðarnir í Íslandsflugi félagsins eru oft á tíðum mjög ódýrir. Þannig býður félagið í dag flugmiða milli Íslands og London í vetur á rúmlega 4 þúsund krónur og til Rómar má komast fyrir 11 þúsund krónur. Þessi lágu fargjöld gætu þó hækkað á næstunni því stjórnendur Norwegian segja að hið síhækkandi olíuverð gæti fljótlega skilað sér út í verðlagið. Þetta kemur fram í frétt norska ferðaritsins Flysmart24.

Þar er haft eftir talskonu Norwegian að ekki sé ætlunin að leggja á fast eldsneytisgjald á alla flugmiða heldur muni þeir hækka mismunandi mikið eftir flugleiðum. Þar ráði framboð og eftirspurn ferðinni. Samkvæmt frétt Flysmart24 þá útiloka forsvarsmenn SAS ekki samskonar hækkanir en staðan þar á bæ er þó talsvert önnur en hjá Norwegian því SAS hefur gert framvirka samninga um kaup á 90% af því eldsneyti sem félagið þarf á að halda á næstunni. Norwegian er mun verr varið fyrir olíuhækkunum en verð á þotueldsneyti er í dag um helmingi hærra en það var fyrir ári síðan.

Til samanburðar má nefna að Icelandair kaupir ríflega helming af sínu eldsneyti á föstu verði fram í tímann á meðan WOW air er óvarið líkt og Túristi hefur áður sagt frá.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …