Minnkandi pressa á spænskum sólarströndum

Ótryggt ástand í Tyrklandi, Túnís og Egyptalandi hefur ýtt undir ferðir sólþyrstra Evrópubúa til Spánar síðustu ár. Af þeim sökum hefur framboð á gistingu við vinsælustu spænsku sólarstrendurnar ekki verið nægjanlegt og ófáir hóteleigendur hafa nýtt sér stöðuna til að hækka verðið.

Nú er ferðaþjónustan í Tyrklandi og Túnis hins vegar að rétta úr kútnum og að sögn Þórunnar Reynisdóttur, forstjóra Ferðaskrifstofu Íslands, er í dag auðveldara að fá þá gistingu sem óskað er eftir á Spáni. Þórunn segir að verðlag hafi þó ekki almennt lækkað á spænskum hótelum en meira er um sértilboð á ákveðnum dagsetningum eða tímabilum.

Hið óvenju góða vorveður í Skandinavíu hefur líka orðið til þess að eftirspurn eftir sólarlandaferðum hefur dregist saman. Frændþjóðirnar eru nefnilega tíðir gestir á vinsælustu strandstöðunum við Miðjarðarhafið en síðustu vikur hefur lítið selst af ferðum þaðan þar sem hitastigið hefur í sumum tilfellum við hærra í Noregi en á Spáni. Þessi staða hefur komið sér vel fyrir viðskiptavini Ferðaskrifstofu Íslands að sögn Þórunnar því meira hafi losnað af gistingu núna í sumarbyrjun.

Og samkvæmt nýjum tölum Ferðamálastofu þá voru Íslendingar á faraldsfæti í nýliðnum maí. Um 62.800 Íslendingar fóru utan í mánuðinum sem er 22,5 prósent aukning frá maí í fyrra.

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.