Samfélagsmiðlar

Norska ríkið seldi sinn hlut í SAS

Skandinavísku ríkisstjórnirnar eiga ekki lengur samleið í flugrekstri.

sas 860 a

Norska ríkið hefur selt 9,88 prósenta hlut sinn í skandinavíska flugfélaginu SAS. Þetta var tilkynnt á blaðamannafundi í Ósló seinnipartinn í gær og var söluverðið 597 milljónir norskra króna sem jafngildir um 7,8 milljörðum íslenskra króna. Í frétt Dagens Næringsliv kemur fram að kaupendurnir séu norskir og erlendir fjárfestar og að kaupverðið verði lagt inn á bók í norska seðlabankanum.

Með brotthvarfi Norðmanna úr hluthafahópnum verða ákveðin tímamót í sögu SAS því danska, sænska og norska ríkið hafa sameiginlega farið með stóran hlut í flugfélaginu. Norskir ráðamenn hafa þó lengi látið í veðri vaka að þeir væru reiðubúnir til að selja hlut ríkisins í SAS og Svíar hafa verið á sömu línu. Sænski ríkiskassinn er stærsti einstaki hluthafinn í flugfélaginu með 14,8 prósent en Danir eiga 14,2 prósent. Þar í landi hefur ekki verið hljómgrunnur fyrir því að selja hlutinn.

Lengstum hefur SAS verið stærsta flugfélag Norðurlanda en í fyrra tók Norwegian fram úr þegar litið er til fjölda farþega. Umsvif þess síðarnefnda takmarkast hins vegar ekki við Skandinavíu því félagið er með starfsemi víða í Evrópu. Staða Norwegian er hins vegar veik og nýverið þurfti félagið að óska eftir auknu hlutafé og móðurfélög British Airways og Lufthansa hafa lýst yfir áhuga á að kaupa félagið.

SAS flýgur til Íslands frá Ósló og Kaupmannahöfn allt árið um kring.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …