Samfélagsmiðlar

Ferðagleði Íslendinga á sér enga hliðstæðu

Á fyrri helmingi ársins innrituðu ríflega 322 þúsund íslenskir farþegar sig í flug frá Keflavíkurflugvelli. Metið frá því í fyrra var því fellt með glæsibrag.

Nokkur þúsund Íslendingar voru viðstaddir leik Íslands í Moskvu þann 16. júní. En í þeim mánuði var nýtt ferðamet sett.

Að finna hagstætt flug til útlanda hefur sennilega aldrei verið eins einfalt og sterk króna gerir vistina í útlöndum ódýrari en oft áður. Þetta tvennt er líklega helsta ástæða þess að í ár hafa fleiri Íslendingar flogið út í heim en dæmi eru um. Fyrstu sex mánuði ársins innrituðu að jafnaði 1794 Íslendingar sig í flug á Keflavíkurflugvelli. Sjá fjöldi fyllir um 10 hefðbundnar farþegaþotur.

Það eru þó ekki bara hagstæðir farmiðar og sterk króna sem ýta undir ferðagleðina því í nýliðnum júní fóru fylgdu margir íslenska karlalandsliðinu til Rússlands og á sama tíma var veðrið slæmt á Suður- og Vesturlandi og það hafði sitt að segja. Sólarlandaferðir seldust því óvenju vel eins og áður hefur komið fram. Af þessu leiddi að júní í ár er sá mánuður sem flestir Íslendingar hafa nýtt til ferðalaga út í heim. Í öðru sæti er svo júní í hittifyrra þegar Íslendingar fjölmenntu á fótboltaleiki í Frakklandi. Eins og sjá má á neðra súluritinu þá tilheyra allir mánuðirnir á topplistanum síðustu 3 árum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …