Samfélagsmiðlar

Ferðamálastofa vill athugun á starfsemi Booking.com

Íslenskum hótelum og gististöðum er ekki heimilt að bjóða upp á betra verð en það sem birtist á Booking.com að mati Ferðamálastofu sem óskar eftir athugun Samkeppniseftirlitsins.

Ferðamálastofa hefur sent ábendingu til Samkeppniseftirlitsins um starfsemi bókunarsíðunnar booking.com. Telur Ferðamálastofa álitamál hvort skilmálar fyrirtækisins standist samkeppnislög þar sem þeir feli mögulega í sér íþyngjandi skilyrði fyrir viðskiptavini þess og hindri þar með eðlilega samkeppni. Þetta kemur fram í tilkynningu á heimasíðu Ferðamálastofu. Þar segir jafnframt að margt bendi til að markaðshlutdeild booking.com hafi náð yfir 50 prósent á umræddum markaði og á þeirri forsendu er líklegt að fyrirtækið teljist hafa markaðsráðandi stöðu hérlendis.

Skilmálar bókunarsíðunnar víða umdeildir

Ferðamálastofa hefur því beint til Samkeppniseftirlitsins að það taki til skoðunar skilmála Booking.com um svokallaða bestukjarameðferð. „Í skilmálunum felst að viðskiptavinum fyrirtækisins, til að mynda íslenskum hótelum og gististöðum er ekki heimilt að bjóða upp á betra verð en sem fram kemur á bókunarsíðum Booking.com. Komi slík staða upp verður söluaðili gistingar annað hvort að bjóða ferðamanni að borga lægra verðið eða greiða honum mismuninn, hafi hann borgað hærra verðið. Gildir einu hvort hið lægra verð kemur fram á vefsíðu þess gististaðar, sem í hlut á, eða hjá samkeppnisaðilum booking.com,“ segir í tilkynningunni.

5 milljarða söluþóknun í Íslandi

Að mati Ferðamálastofu þá inniheimtir Booking.com umtalsvert háa þóknun af þjónustu sinni og nemur hún að lágmarki 15% af heildarkostnaði gistingar. „Því má áætla að söluþóknun fyrirtækisins vegna sölu gistingar á Íslandi nemi að minnsta kosti fimm milljörðum króna á ári. Samkeppnisyfirvöld víða í Evrópu hafa gert athugasemdir við starfsemi og þar með skilmála fyrirtækisins, þar með talið vegna umræddrar bestukjarameðferðar, sem hefur í kjölfarið víða verið breytt. Hinir umdeildu skilmálar koma þó enn fram í þjónustusamningum fyrirtækisins við íslenskra ferðaþjónustuaðila.“

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …