Samfélagsmiðlar

Ódýrari farmiðar og minni hagnaður

Spár stjórnenda Icelandair gerðu ráð fyrir hækkandi fargjöldum. Þær áætlanir hafa ekki gengið eftir og það er ein helsta ástæða þess að flugfélagið hefur lækkað afkomuspá sína fyrir árið.

Þeir sem hafa keypt sér flugmiða með Icelandair á næstunni hafa að jafnaði borgað minna fyrir sætin en stjórnendur flugfélagsins höfðu áætlað. „Sú þróun meðalverða sem við gerðum ráð fyrir á síðari hluta ársins virðist ekki vera að ganga eftir og því lækkum við tekjuspá félagsins. Verðþróun á mikilvægum áfangastöðum hefur ekki verið eins og áætlanir okkar gerðu ráð fyrir og það hefur neikvæð áhrif á rekstrarspá,“ segir Björgólfur Jóhannsson, forstjóri Icelandair, í tilkynningu fyrirtækið sendi frá sér í gærkvöld.

Tilefni tilkynningarinnar er lækkun á afkomuspá Icelandair Group um 30 prósent. Skrifast það meðal annars á fyrrnefnda verðþróun og á það rask sem hefur átt sér stað í flugáætlun félagsins sem hefur haft í för með sér hækkandi kostnað og minni tekjur. Hækkandi olíuverð vegur líka þungt en þotueldsneyti er helmingi dýrara í dag en það var fyrir ári síðan. Af þeim sökum sjá til að mynda forsvarsmenn Norwegian, stærsta flugfélags Norðurlanda, fram á hækkandi farmiðaverð því kaup á eldsneyti vega þungt í rekstri flugfélaga.

Óljóst hver verðþróunin er

Ennþá lækka þó flugmiðarnir í verði og fór meðalfargjaldið hjá Norwegian niður um 4 prósent í júní. Þetta var þriðji mánuðurinn í röð sem farmiðaverð flugfélagsins fer lækkandi en Norwegian er stórtækt í flugi milli Evrópu og Norður-Ameríku á sama hátt og Icelandair og WOW air. Íslensku flugfélögin tvö gefa ekki eins greinargóðar upplýsingar um þróun fargjalda hjá sér og Norwegian gerir en það er ljóst að farmiðarnir hjá Icelandair hafa ekki hækkað í takt við væntingar stjórnenda flugfélagsins. Hver staðan er hjá WOW air er ekki vitað en í maí hafði Túristi það eftir talsmanni félagsins að fargjöld félagsins hefðu farið hækkandi á fyrsta fjórðungi ársins.

Versnandi staða í ferðaþjónustu

Flugrekstur stendur undir bróðurparti starfsemi Icelandair Group en fyrirtækið á einnig ferðaskrifstofuna Iceland Travel sem er stórtæk í sölu og skipulagningu Íslandsferða. Í fyrrnefndri tilkynningu er haft eftir Björgólfi forstjóra að horfur hafa farið versnandi í íslenska ferðaþjónustuhlutanum og að hafi áhrif á Iceland Travel. Icelandair á einnig næst stærstu hótelkeðju landsins en hún er nú til sölu.

Til lengri tíma metur forsvarsfólk Icelandair Group horfurnar í rekstrinu góðar samkvæmt því sem fram kemur í tilkynningu, félagið sé fjárhagslega sterkt og með góða markaðsstöðu.“

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …