Samfélagsmiðlar

Eru ekki að hefja áætlunarflug til Íslands

Breska lággjaldaflugfélagið Jet2 mun aðeins fljúga hingað 10 ferðir í febrúar og mars en ekki bjóða upp á reglulegar ferðir eins og skilja mátti af fréttum.

Þotu Jet2 mun leggja upp að Leifsstöð í febrúar og mars á næsta ári.

Yfir vetrarmánuðina eru Bretar fjölmennastir í hópi ferðamanna hér á landi og eru flugsamgöngurnar þá tíðar. Bæði er um að ræða áætlunarflug og leiguflug. Dæmi um hið síðarnefnda eru vikulegar ferðir Thomson TUI hingað frá London og Manchester og beint flug til Akureyrar á vegum ferðaskrifstofunnar Super Break.

Nú ætlar breska lággjaldaflugfélagið Jet2 einnig að bjóða upp á leiguflug hingað frá fimm breskum borgum í febrúar og mars og eru ferðirnar kynntar sem pakkaferðir með flugi, hóteli og skoðunarferðum. Ekki er því um að ræða áætlunarflug líkt og skilja mátti af grein Morgunblaðsins þann 17. ágúst. Þar kom fram að ferðir Jet2 yrðu viðbót við framboðið á Keflavíkurflugvelli í vetur en ferðir breska flugfélagsins standa ekki farþegum hér á landi til boða því þær eru aðeins bókanlegar ef ferðalagið hefst í Bretlandi samkvæmt athugun Túrista.

Samkvæmt upplýsingum frá Jet2 munu þotur félagsins fljúga hingað frá Glasgow, Newcastle,  Leeds,  Manchester og  Birmingham í febrúar og mars. Í heildina er um að ræða 10 ferðir en til samanburðar má geta að í vetur verða áætlunarferðirnar til London álíka margar á degi hverjum frá Keflavíkurflugvelli. Viðbótin sem fylgir komu Jet2 er því lítil í því samhengi.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …