Hlutafé í WOW aukið um helming

Á föstudag voru uppfærðar upplýsingar um hlutafé í WOW air hjá fyrirtækjaskrá. Samkvæmt henni var hlutafé félagsins aukið úr 107 milljónum í 162 milljónir hluta. Hlutfallslega nemur viðbótin nærri helmingi. Í svari frá WOW air, við fyrirspurn Túrista um þessi viðskipti, segir að Skúli Mogensen, eigandi og forstjóri WOW air, hafi lagt eignarhlut sinn í Cargo Express ehf. inn í WOW air á öðrum ársfjórðungi ársins. Hann hafi auk þess breytt kröfum sínum á hendur WOW air í eigið fé. Samtals mun verðmæti þessara breytinga nema yfir tveimur milljörðum króna.

Líkt og fram kom í tilkynningu sem WOW air sendi frá sér föstudaginn 13. júlí þá nam tapið af rekstri flugfélagsins nærri 2,4 milljörðum króna í fyrra. Umræðan um fjárhagslegan styrk félagsins hefur verið töluverð í framhaldinu en eiginfjárhlutfall þess var 10,9 prósent í ársbyrjun. Það þykir ekki hátt og til samanburðar var hlutfallið 42 prósent hjá Icelandair í ársbyrjun.

Af því gefnu að skuldir WOW air hafi ekki hækkað í ár má gera ráð fyrir að eiginfjárhlutfallið hafi hækkað við fyrrnefndar breytingar á skuldum við Skúla í eigið fé. Rekstur flugfélaga hefur hins vegar þyngst í ár eins og sést til að mynda á versnandi afkomu Icelandair. Tap þess félags á fyrri helmingi þessa árs er þrefalt hærra en á sama tíma í fyrra. Um mitt þetta ár var eiginfjárhlutfall Icelandair komið niður í 32 prósent og ekki ólíklegt að þróunin hafi verið álíka hjá helsti samkeppnisaðilanum hér á landi.

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira