Samfélagsmiðlar

Opna sitt ellefta hótel

Fyrstu gestirnir hafa nú innritað sig inn á hið fjögurra stjörnu Exeter hótel við Tryggvagötu.

Við gömlu höfnina stendur nú nýjasta hótel borgarinnar og ber það nafnið Exeter Hotel. Um er að ræða 106 herbergja hótel þar sem finna má allt frá tveggja manna herbergju og upp í svítur. Sú stærsta er 51 fermetri að stærð og býður upp á útsýni yfir hafnarsvæðið og Esjuna. Á jarðhæð hótelsins er veitingastaðurinn Le Kock sem þar sem áhersla er lögð á fjölbreytt götufæði (Streetfood) sem borið er fram á óhefðbundin hátt. Hótelbarinn nefnist Tail bar og mun vera sá fyrsti á landinu sem tekur í notkun svokallaðar „bottoms up“ bjórdælur. Bakaríið Deig, sem staðsett er við innganginn, býður gestum og gangandi nýbakað brauð alla morgna.

Exeter hótelið er ellefti gististaðurinn sem Keahótelin reka og í tilkynningu segist Páll L. Sigurjónsson, framkvæmdastjóri fyrirtækisins, vera afar ánægður með nýja hótelið „Þetta hefur verið virkilega spennandi verkefni frá fyrsta degi og gaman að taka þátt í því. Við skynjum mikinn áhuga á hótelinu og höfum fengið fyrirspurnir varðandi þá nýstárlegu og afslöppuðu upplifun sem boðið verður upp á“.

Keahótel ehf. er þriðja stærsta hótelkeðja landsins og með alls 900 herbergi í Reykjavík, á Akureyri, við Vík í Mýrdal og við Mývatn.

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …