Samfélagsmiðlar

Breytingar á flugframboði geta haft víðtæk áhrif

Framkvæmdastjóri Samtaka ferðaþjónustunnar segir að þar á bæ sé fylgst með stöðunni á flugmarkaði en hún er tvísýn þessa dagana.

Jóhannes Þór Skúlason, framkvæmdastjóri SAF

Það lét nærri að fjórði hver ferðamaður sem hingað kom í fyrra hafi verið farþegi WOW air og um þriðjungur hafi flogið með Icelandair. Önnur flugfélög skipta því með sér innan við helmingi af ferðamannastraumnum. Þetta má reikna út frá upplýsingum sem íslensku flugfélögin hafa gefið upp um vægi erlendra ferðamanna í farþegahópnum í fyrra. Mikilvægi Icelandair og WOW air er því mikilvægt fyrir íslenska ferðaþjónustu og því óhætt að fullyrða að nú bíði margir fregna af niðurstöðu í skuldabréfaútboði WOW air. Félagið ætlar að sækja sér lánsfé upp á 6 til 12 milljarða  og gaf Skúli Mogensen, forstjóri og eigandi, það út fyrir helgi að fréttir af málinu myndu berast öðru hvoru megin við helgi. Ekkert hefur heyrst ennþá.

„Óvissa er almennt óholl í fyrirtækjarekstri. Mikilvægi stöðugleika í flugframboði til landsins er auk þess augljóst þar sem yfirgnæfandi meirihluti ferðamanna með Ísland sem áfangastað koma hingað með áætlunarflugi. Breytingar á flugframboði geta haft víðtæk og fjölbreytileg áhrif eins og við höfum séð á síðustu mánuðum. Við fylgjumst því áfram með stöðunni,“ segir Jóhannes Þór Skúlason, framkvæmdastjóri Samtaka ferðaþjónustunnar, aðspurður um þá óvissu sem nú ríkir um flugsamgöngur til og frá landinu næstu misseri.

Líkt og Túristi greindi frá fyrir helgi þá má leiða líkum að því að gjaldþrot Airberlin hafi haft mjög neikvæð áhrif á íslenska ferðaþjónustu. Þýska flugfélagið var nefnilega umsvifamikið í Íslandsflugi og til að mynda voru um 34 þúsund sæti í þotum félagsins sem flugu til Keflavíkurflugvallar frá Þýskalandi síðastliðið sumar. Skarðið sem félagið skildi eftir sig var því mikið en til samanburðar þá fækkaði þýsku ferðafólki hér á landi um nærri 20 þúsund í sumar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …