Samfélagsmiðlar

Frí hleðsla fyrir þá sem keyra eftir flugfarþegum á rafbíl

Þeir sem ætla að sækja ættingja og vini út á flugvöll geta nú hlaðið rafbíl gjaldfrjálst á komustæðinu.

Ein af nýju hleðslustöðvunum á flugvallarsvæðinu

Hleðslustöðvar fyrir rafbíla hafa verið teknar í notkun við Keflavíkurflugvöll og eru þær 11 í heildina. Hleðslustöðvarnar eru ætlaðar fyrir farþega en einnig starfsfólk á flugvellinum. Í tilkynningu frá Isavia er haft eftir Gunnari Inga Hafsteinssyni, þjónustustjóra bílastæðaþjónustu Keflavíkurflugvallar, að hann fagni því að búið sé að setja upp fyrstu hleðslustöðvarnar fyrir rafbíla við flugvöllinn, en þeim eigi vafalaust enn eftir að fjölga í framtíðinni. „Isavia hefur tekið rafbíla í notkun í sinni starfsemi. Það eru umhverfismildir og hagkvæmir bílar sem minnka kolefnisfótsport flugvallarins,“ segir Gunnar Ingi. „Uppsetning á hleðslustöðvum er liður í því verkefni og auðveldar ferðalöngum og starfsfólki okkar að nýta sér þennan umhverfisvæna orkugjafa.“

Ein stöðin, sem er 50 kílóvatta hraðhleðslustöð frá ABB, hefur verið sett upp á komubílastæðum P2 við Keflavíkurflugvöll. Stöðin er gjaldfrjáls en greitt er fyrir viðveru á stæðinu ef bíl er lagt þar lengur en í 15 mínútur. Þá er einnig búið að setja upp sex 32A hleðslustöðvar á bílastæðum starfsmanna við Keflavíkurflugvöll. Þar stendur starfsmönnum til boða að hlaða rafmagnsbifreiðar sínar þeim að kostnaðarlausu. Þessu til viðbótar hafa verið teknar í notkun fjórar hleðslustöðvar fyrir viðskiptavini sem panta Lagningarþjónustu á bílastæðum Keflavíkurflugvallar. Þar er um að ræða eina 22 kílóvatta stöð frá EVlink og tvær 32A hleðslustöðvar. Hleðslan verður notendum að kostnaðarlausu samkvæmt því sem segir í tilkynningu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …