Samfélagsmiðlar

Hætta Íslandsflugi frá Köln

Áfram skera stjórnendur Eurowings niður áætlunina til Íslands og næsta sumar munu þotur félagsins aðeins fljúga hingað frá Hamborg.

Þýska flugfélagið Germanwings var lengi stórtækt í Íslandsflugi yfir sumarmánuðina og bauð þá upp á reglulegar ferðir hingað frá Berlín, Dusseldorf, Stuttgart, Köln og Hamborg. Flugfélagið fékk heitið Eurowings árið 2016 og það sumar gátu farþegar þess flogið hingað frá fyrrnefndum fimm borgum. Í fyrra varð hins vegar breyting á þegar þotur Eurowings hættu að koma hingað frá Berlín, Dusseldorf og Stuttgart en í þeirri síðastnefndu var félagið það eina með ferðir til Íslands á boðstólum.

Á nýliðnu sumri voru flugvélar Eurowings því fátíðar við Leifsstöð og samkvæmt talningu Túrista þá fækkaði ferðum Eurowings í júní úr 40 í 14. Samdrátturinn nam nærri tveimur þriðju og í sætum talið hefur hann numið hátt í 15 þúsund flugsætum í sumar. Og áfram verður skorið niður því næsta sumar mun Íslandsflug Eurowings takmarkast við tvær ferðir í viku frá Hamborg. Ferðirnar frá Köln leggjast nefnilega af samkvæmt upplýsingum frá Eurowings en ekki fást skýringar á breytingunni. Þar með dettur Köln út af leiðakerfi Keflavíkurflugvallar líkt og Stuttgart gerði í fyrra. Til samanburðar má nefna að sumarið 2012 buðu þrjú flugfélög upp á áætlunarferðir milli Íslands og Kölnar.

Það er þó bót í máli að Icelandair stefnir á  aukið Þýskalandsflug á næsta ári. Ferðunum til Frankfurt, Munchen, Hamborgar og Berlínar fjölgar og eins bætist við nýtt áætlunarflug til Dusseldorf. Framboð á sætum eykst þó hlutfallslega ekki eins mikið og ferðunum því Icelandair tekur í notkun fleiri Boeing MAX þotur á næsta ári og í þeim eru færri sæti en í hinum hefðbundnu Boeing 757 þotum sem félagið styðst vanalega við.

Samkvæmt svörum frá Lufthansa, stærsta flugfélagi Þýskalands, þá liggur endanlega dagskrá fyrir Ísland ekki fyrir á þessari stundu en miðað við þau flug sem nú eru bókanleg þá verða ferðir Lufthansa frá Frankfurt og Munchen í föstum skorðum. Hjá WOW air er hægt að bóka flug til Berlínar og Frankfurt en ennþá ekki til Dusseldorf. Germania verður svo með ferðir hingað yfir hásumarið frá Nürnberg, Dresden og Bremen.

Í heildina geta því Þjóðverjar flogið til Íslands frá 8 borgum næsta sumar en þýskum ferðamönnum hér á landi fækkaði í sumar um nærri fjórðung.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …