Samfélagsmiðlar

Hluturinn í Primera air metinn einskis virði

Verðmæti 84% hlutar í flugfélagi Andra Más Ingólfssonar er 0 evrur í ársreikningi fyrir síðasta ár. Flugfélagið hefur stóraukið starfsemi sína undandarin misseri.

Tölvuteikning af einnig þeirra nýju flugvéla sem Primera Air hefur pantað.

Umsvif Primera air takmarkast ekki lengur við sólarlandaflug með viðskiptavini ferðaskrifstofa sem heyra undir Primera Travel Group og er í eigu Andra Más Ingólfssonar. Í dag er flugfélagið nefnilega að hasla sér völl í áætlunarflugi milli Evrópu og Norður-Ameríku og býður upp á reglulegar ferðir frá bæði London og París til New York, Boston, Washington DC og Toronto. Á næsta ári bætist áætlunarflug til þessara stórborga frá Berlín, Frankfurt og Madríd.

Þrátt fyrir þennan mikla vöxt þá er flugfélagið metið á 0 evrur af eiganda og stjórn félagsins. Þetta kemur fram í ársreikningi móðurfélagsins PA Holding sem heldur utan um 84% hlut Andra Más í Primera air. Í skýringu í ársreikningi segir að eignarhlutar PA Holding í dótturfélögum séu færðir í samræmi við hlutdeild félagsins í eigin fé þeirra. Ársfundir félaganna tveggja voru haldnir 30. og 31. ágúst.

Endurskoðendur Primera air fjalla sérstaklega um þessa stöðu í athugasemd í ársreikningi Primera air. Benda þeir á að í lok árs hafi skammtímaskuldir verið um milljarði króna hærri en sem nemur veltufjáreignum. Þessi neikvæða staða er sögð geta kastað rýrð á rekstrarhæfi félagsins. Það er hins vegar mat stjórnar Primera air að arðsemi muni aukast og félagið geti áfram fengið aðstoð eiganda við að standa við skuldbendingar sínar. Stjórnin væntir þess einnig að flugfélagið muni innleysa umtalsverðan hagnað í apríl á næsta ári sem tengist sölu og endurleigusamningum á nýjum Boeing MAX þotum.

Þess má geta að Túristi leitaði skýringa á stöðu Primera air hjá framkvæmdastjóra flugfélagsins en svar hefur ekki fengist. Viðskiptablaðið sagði frá því í gær að hagnaður af rekstri Primera air í fyrra hafi numið 105 milljónir króna. Sú jákvæða afkoma virðist þó skrifast á væntingar um fyrrnefndan söluhagnað af flugvélum sem verða fyrst afhentar í vor.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …