Samfélagsmiðlar

Kynna sér ferðaþjónustu Nýsjálendinga

Þórdís Kolbrún Reykfjörð Gylfadóttir, ráðherra ferðamála, er nú stödd á Nýja-Sjálandi ásamt ferðamálastjóra og föruneyti.

Íslenski hópurinn ásamt nýsjálenskum fararstjórum sínum.

„Ferðaþjónustan hér á Nýja-Sjálandi hefur vaxið hratt og hún líkist á margan hátt þeirri íslensku. Í báðum löndum byggir greinin til að mynda mikið á náttúrunni, hér er jarðhiti mikið nýttur og hvalaskoðun vinsæl. Nýsjálendingar eru líka fámenn þjóð í stóru landi og viðfangsefni þeirra því á margan hátt lík okkar. Við vitum að þeim hefur tekist að leysa mörg mál sem tengjast greininni og við erum hingað komin til að læra af þeim,“ segir Skarphéðinn Berg Steinarsson, ferðamálastjóri. Hann er nú staddur á Nýja-Sjálandi ásamt Þórdísi Kolbrún Reykfjörð Gylfadóttur ráðherra ferðamála og fleira af forsvarsfólki ferðaþjónustunnar. Þar á meðal Jóhannesi Þór Skúlasyni framkvæmdastjóra Samtaka ferðaþjónustunnar og Óskari Jósefssyni frá Stjórnstöðinni.

„Í gegnum árin hefur verið horft töluvert til Nýja Sjálands og við höfum nú þegar tekið upp ýmislegt. Vakinn, gæðakerfi ferðaþjónustunnar, byggir á nýsjálenskri fyrirmynd og það gerir líka verkefni okkar um hvernig megi auka áreiðanleika gagnanna sem við vinnum með. Kannanir á þolmörkum ferðamannastaða eru líka sóttar hingað. Það er því margt sem við getum lært og þeir, af örlæti sínu, settu saman áhugaverða dagskrá sem hófst á mánudag og lýkur á föstudag,“ segir Skarphéðinn Berg um aðdraganda ferðarinnar. „Við vorum með hugmyndir og tillögur og þeir sínar og út frá þessu var búin til þessi dagskrá. Við höfum kynnt okkur stjórnkerfið í ferðaþjónustunni, gjaldtökumál, áhrif deilihagkerfisins og heimsótt hluta af þeim stöðum þar sem fjöldaferðamennska er sögð orðin vandamál.“

Í Facebook færslu í dag segir Þórdís Kolbrún að hópurinn hafi meðal annars hitt ráðherra ferðamála og nýsköpunar á Nýja-Sjáland en líka embættismenn, sveitastjórnarfólk og forsvarsmenn ferðaþjónustufyrirtækja. „Oft eru samtölin eins og maður sé staddur á fundi heima á Íslandi. Þau eru komin langt á ýmsum sviðum en eiga eftir að leysa úr mörgu alveg eins og við. Þannig má segja að ekkert land sé í raun búið að finna út úr þessu öllu saman. En áfram höldum við, með metnað og framsýni að leiðarljósi – þess vegna erum við hér,“ segir ráðherrann á Facebook.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …