Samfélagsmiðlar

Leiðakerfi íslensku flugfélaganna keimlík

Samruni Icelandair og WOW air mun ekki vera í pípunum eins og er. Staðan gæti þó breyst og ef það gerist þá þyrfti Icelandair að bæta fáum áfangastöðum við leiðakerfi sitt til að þjónusta farþega beggja félaga.

pittsburgh a

Pittsburgh, fæðingaborg Andy Warhol, er ein af þeim átta borgum sem WOW air er eitt um áætlunarflugið til.

Ókyrrðin í kringum WOW air síðustu vikur hefur ekki farið fram hjá neinum og óvissa ríkir um framtíð flugfélagsins. Í dag eða á morgun er þó von á tilkynningu frá forsvarsmönnum flugfélagsins og þá skýrist staðan vonandi. Þangað til munu vangaveltur um örlög félagsins halda áfram og einn af þeim möguleikum sem nefndur hefur verið er samruni við Icelandair þrátt fyrir að Bogi Nils Bogason, forstjóri Icelandair, hafi vísað þeirri hugmynd frá í kvöldfréttum Stöðvar 2 í gær.

Yfirtaka Icelandair á hluta af rekstri WOW air hefur líka verið nefnd sem möguleiki og er þá litið til þess þegar Iceland Express varð hluti af WOW air fyrir sex árum síðan. Þá tók WOW air við öllum farþegaskuldbindingum Iceland Express og stórum hluta af starfsfólki. Skúli Mogensen, forstjóri og eigandi WOW, hefur sagt að þessi yfirtaka hafi verið vendipunktur í rekstri WOW.

Hvort álíka leið verði farin núna er of snemmt að segja til um og vissulega er flækjustigið umtalsvert því umsvif flugfélaganna í dag eru miklu meiri. Það er þó staðreynd að leiðakerfi Icelandair og WOW air passa í raun mjög vel saman. Af þeim 37 áfangastöðum sem WOW air mun fljúga til í haust og vetur þá eru til að mynda 22 hluti af leiðakerfi Icelandair á einn eða anna hátt. Fimm af þeim borgum sem út af standa verða aðeins hluti af áætlun WOW air fram í októberlok og til Edinborgar og Barcelona er WOW air í samkeppni við erlend flugfélög. Í heildina er WOW air því eitt um vetrarflug héðan til Montreal, Pittsburgh, Detroit, St. Louis, Salzburg, Mílanó, Los Angeles og Nýju-Delí. Samtals átta borgir og þar af flýgur Icelandair til Montreal og Mílanó en þó ekki yfir veturinn.

Hvort samruni eða yfirtaka verður niðurstaðan eða að rekstur WOW haldist að mestu óbreyttur mun væntanlega koma í ljós á næstu sólarhringum.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …