Samfélagsmiðlar

WOW nýtir eldsneytið betur en Icelandair

Samanburður á olíunotkun flugfélaga leiðir í ljós að aldur flugflotans ræður ekki bara eyðslunni. Stór viðskiptafarrými valda tölurverðri sóun.

Þoturákir á himni.

Flugumferðin hefur aukist hratt síðustu ár og ekkert lát virðist á. Árið 2020 er því spáð að losun gróðurhúsalofttegunda frá flugi verði 70 prósent meiri en árið 2005 samkvæmt því sem segir á vef Umhverfisstofnunnar. Og rekja má rúm 2 prósent af heildarlosun í heiminum til flugstarfsemi. Þrátt fyrir að fólk verði sífellt meðvitaðra um þetta þá dregur ekki úr áhuga okkar á að fljúga. Til marks um það þá kemur fátt í veg fyrir að ferðametið sem Íslendingar settu í fyrra verði bætt í ár.

Sem dæmi um hversu mikið flugumferðin mengar þá er losun á hvern farþega í flugi á milli Íslands og Kaupmannahafnar, báðar leiðir, á við losun frá litlum einkabíl í rúmt hálft ár. Það á þó ekki við um allar flugferðir samkvæmt niðurstöðum nýrrar könnunar á vegum samtakanna ICCT þar sem lagt var mat á hvaða flugfélög nýta þotueldsneytið best miðað við fjölda farþega og fluglengd. Litið var til 20 af þeim flugfélögum sem eru stórtækust í flugi milli Evrópu og Norður-Ameríku. Icelandair og WOW eru umsvifamikil á þeim markaði.

Niðurstaða rannsóknarinnar er sú að Norwegian nýtir eldsneytið best og þar á eftir kemur WOW air með þrettán prósent lakari nýtingu en norska flugfélagið. Þotur Icelandair þurfa svo um 29 prósent meira eldsneyti á hvern floginn kílómetra en þotur Norwegian og 15 prósent meira en WOW air. Nýtingin hjá Icelandair er í meðallagi af þeim 20 flugfélögum sem mæld voru en uppistaðan í flota flugfélagsins eru Boeing 757 þotur sem eru orðnar rúmlega 20 ára. Meðalaldur flugvélanna sem WOW air nýtir er um þrjú ár. Þess er getið í skýrslu ICCT að eldsneytisnýtingin hjá Icelandair ætti að lækka á næstu árum með tilkomu nýrra Boeing MAX þota sem félagið er nú að taka í notkun. Þær eyða um fjórðungi minna en gömlu þoturnar.

Betri nýting á eldsneyti skrifast þó ekki bara á aldur hreyfla og flugvéla. Sá þáttur vegur engu að síður þyngst (39%) og þar á eftir kemur fjöldi sæta um borð (33%). Þeim mun meira bil sem er á milli sæta því verri verður eldsneytisnýtingin og því koma stóru evrópsku flugfélögin, British Airways og Lufthansa, illa út úr samanburðinum enda þau vinsæl hjá þeim sem vilja mikið pláss um borð. Fá stór sæti með mikið sætabil viðskiptafarrými um borð í þotum Norwegian og WOW air er því ein af ástæðum þess að flugfélögin tróna á toppnum samkvæmt því sem segir í skýrslu ICCT.  Forstjóri WOW hefur reyndar boðað aukna áherslu á stór sæti, svokölluð Comfy og Premium sæti.

Sætanýting og þyngd á frakt skýra svo um 28% af heildarnýtingu olíunnar sem dælt er á þoturnar sem fljúga milli Evrópu og Norður-Ameríku.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …