Samfélagsmiðlar

10 áhugaverðustu ferðamannaborgir næsta árs

Ferðaskríbentar Lonely Planet hafa birt lista sinn yfir þær borgir sem þeim þykja mest spennandi fyrir árið sem er næstum því handan við hornið.

Hin ljúfa stemning í Kaupmannahöfn heillar marga.

Þrátt fyrir að ferðabækur Lonely Planet seljist í minni upplögum en áður þá þykir það ennþá flott í ferðageiranum að komast á árlega topplista útgáfunnar. Og til marks um það þá hafa danskir fjölmiðlar síðustu daga sagt frá því að Kaupmannahöfn er að þessu sinni í efsta sæti á lista Lonely Planet yfir áhugaverðustu ferðamannaborgirnar árið 2019.

Í rökstuðningi dómnefndar segir að hin svala danska höfuðborg sé óstöðvandi. Þar fái sælkerar gott að borða í öllum verðflokkum, heimsókn í Tívólí í febrúar sé heillandi og spennandi að skíða niður brekkuna sem liggur frá þaki nýju endurvinnslustöðvarinnar á Amager. Danska arkitektasafnið á líka skilið að fá meiri athygli og svo munar nú um það að um mitt næsta ár er ætlunin að leggja lokahönd á metrólínuna sem tengir saman borgina. Framkvæmdir við hana hafa nefnilega svo sannarlega reynt á þolrif borgarbúa síðustu ár.

Frá Keflavíkurflugvelli fljúga Icelandair, SAS og WOW air allt árið um kring til flugvallarins sem kenndur er við Kastrup. Og beint úr flugstöðvarbyggingunni er einmitt hægt að taka metró beint niður í bæ fyrir lítið og ferðalagið er örstutt. Aðeins ein önnur borg á topplista Lonely Planet tengist leiðakerfi Keflavíkurflugvallar og það er Seattle í Bandaríkjunum. Þangað fljúga þotur Icelandair eina til tvær ferðir á dag.

Toppborgir ársins 2019 að mati Lonely Planet.
  1. Kaupmannahöfn, Danmörk
  2. Shenzen, Kína
  3. Novi Sad, Serbía
  4. Miami, Bandaríkin
  5. Kathmandu, Nepal
  6. Mexíkó borg, Mexíkó
  7. Dakar, Senegal
  8. Seattle, Bandaríkin
  9. Zadar, Króatía
  10. Meknés, Marókkó

ÞESSU TENGT: 10 bestu ódýru hótelin í Kaupmannahöfn

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …