Samfélagsmiðlar

Andri Már Ingólfsson kemst á blað

Nafn eiganda Travelco Nordic er nú að finna á heimasíðu félagsins. Þar fer þó lítið fyrir tengslunum við forvera félagsins.

Norrænu ferðaskrifstofurnar sem Andri Már Ingólfsson á heyra ekki lengur undir hið íslenska Primera Travel Group hf. Eignarhaldið hefur verið flutt yfir í danskt félag og hefur heiti þess verið breytt úr Primera Travel í Travelco Nordic.  Andri tilkynnti um þessar breytingar í flýti á laugardag eftir að hafa komið sér undan því að svara spurningum Túrista um ástæður þess að eignarhald dönsku og sænsku ferðaskrifstofanna, sem tilheyra samstæðunni, voru ekki lengur sagðar í eigu Primera Travel Group.

Fréttatilkynningin sem Andri sendi út á laugardag var þó ekki það eina sem var unnið hratt því á nýrri heimasíðu hins nýja móðurfélags er heiti Heimsferða vitlaust stafsett, Andra er hvergi getið og ekki minnst á tengslin við Primera Travel Group. Á heimasíðunni er Daninn Peder Hornshøj kynntur sem framkvæmdastjóri hins nýja móðufélagsins en Andri hefur verið framkvæmdastjóri samstæðunnar hingað til.

Í samtali við Túrista á laugardag viðurkenndi Hornshøj að ástæða nafnabreytingarinnar væri meðal annars sú að fjarlægja reksturinn frá hinu gjaldþrota Primera air sem var jafnframt í eigu Andra. Þegar Túristi spurði Hornshøj afhverju eigandans væri hvergi minnst á heimasíðu Travelco Nordic sagði framkvæmdastjórinn að hann sjálfur hefði alltaf verið andlit rekstursins í Danmörku en ekki Andri. Hann útilokaði þó ekki að textanum á heimasíðunni yrði breytt og staðfesti svo stuttu síðar að nú væri nafn Andra Más Ingólfssonar komið inn á heimasíðuna. Hann er þar titlaður sem stjórnarformaður og eigandi.

Í fyrrnefndri fréttatilkynningu, sem Andri sendi á íslenska fjölmiðla, segir að hann verði stærsti hluthafi Travelco. Aðspurður segist Hornshøj hins vegar ekki eiga hlut í fyrirtækinu. Það sé 100% í eigu Andra.

Þess má geta að Andri hefur ekki ennþá svarað spurnngum Túrista um hvað verði um Primera Travel Group hf. en eignir þess voru metnar á tæpa 18 milljarða (141 milljón evra) um síðustu áramót. Þar af nam viðskiptavild um 7,4 milljörðum króna og ónýttur skattaafsláttur, lán til dótturfyrirtækja og óefnislegar eignir vega líka þungt. Fyrirtækið tapaði rúmum 700 milljónum króna í fyrra en hátt í 2 milljörðum í hittifyrra.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …