Samfélagsmiðlar

Arion með aukin veð í eignum Andra

Andri Már Ingólfsson flýtti útgáfu á fréttatilkynningu um breytingar á eignarhaldi Primera Travel Group í kjölfar fyrirspurnar frá Túrista. Ljóst að Arion banki hefur fengið bættar tryggingar fyrir því fé sem bankinn hefur lánað fyrirtækjum samstæðunnar.

Gjaldþrot Primera air hefur farið illa með fyrirtæki Andra Más Ingólfssonar.

„Það kemur fréttatilkynning á mánudaginn,“ sagði Andri Már Ingólfsson í svari við fyrirspurn sem Túrista sendi honum í morgun. Þar var beðið um skýringar á því að upplýsingum um eignarhald á ferðaskrifstofum hans á hinum Norðurlöndunum hefði verið breytt. Klukkustund eftir að fyrrnefnt svar barst frá Andra þá birti Túristi frétt sína um málið. Í millitíðinni hafði hins vegar almannatengill Andra komið fréttatilkynningu á fjölmiðla, þó ekki til Túrista, þar sem sagt var frá því að Travelco, nýtt eignarhaldsfélag, hefði keypt allar ferðaskrifstofur Primera Travel Group. Andri sendi sjálfur tilkynninguna á Túrista nokkru síðar en þá höfðu margir af stærstu netmiðlum landsins gert henni skil.

Svarið við spurningunni sem Túristi bar upp í morgun var þá að allur rekstur Primera Travel Group, sem er skráð á Íslandi og er í eigu Andra, hefur verið fluttur í danska dótturfélagið Primera Travel í Danmörku og það fyrirtæki endurnefnt Travelco Nordic. „Öll félögin eru færð undir það félag til að einfalda félagið og styrkja eigið fé þess eftir þessi miklu áföll,“ sagði í tilkynningunni. Var þar vísað til þess að í kjölfar gjaldþrots Primera Air hefðu ferðaskrifstofur samstæðunnar tapað háum fjárhæðum vegna fyrirframgreiddra flugferða og kaupa á nýjum flugsætum fyrir viðskiptavini sína.

Í tilkynningunni segir líka að hið nýja félag hafi tekið yfir skuldir Primera Travel Group við Arion banka. Í kjölfarið spurði Túristi hvað yrði um Primera Travel Group en svar við þeirri spurningu hefur ekki borist. Þess má geta að samkvæmt ársreikningi þessa fyrrum móðurfélags ferðaskrifstofanna og flugfélagsins þá tapaði það rúmum 700 milljónum í fyrra en hátt í 2 milljörðum í hittifyrra.

Sem fyrr segir þá kemur fram í tilkynningunni, sem Andri sendi út í flýti í dag, að nýja móðurfélagið myndi taka yfir skuldir við Arion banka. Bankinn hefur engu að síður nú þegar tapað töluverðum upphæðum á viðskiptum sínum við Primera Travel Group því daginn sem Primera air varð gjaldþrota sendi bankinn út tilkynningu um tap upp á allt að nærri 2 milljarða vegna viðskiptavinar. Þó nafn Primera air hafi þar ekki komið fram er enginn vafi á að þarna var átt við flugfélagið. Og samkvæmt heimildum Túrista þá hefur Arion banki nú fengið allsherjarveð í eignum Primera Travel Group, það er húseign Heimsferða, vörumerkjum Heimsferða og Terra Nova og lénum ferðaskrifstofanna. Eru veðin upp á annars vegar 190 milljónir danskra króna (um 3,4 milljarða kr.) og hins vegar 11 milljónir evra (1,5 milljarður). Samanlagt veð upp á rétt um 5 milljarða króna.

Þess má geta í lokin að ennþá hefur Túristi ekki fengið svar afhverju ábyrgð upp á 1,7 milljarð króna hvílir ekki lengur á Heimsferðum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …