Samfélagsmiðlar

Arion tók við millifærslum frá farþegum Primera air

Forsvarsmenn Arion hafa ekki viljað staðfesta að Primera air hafi verið í viðskiptum við bankann. Heimasíða flugfélagsins er hins vegar með svarið.

Upplýsingar um reikningsnúmer Primera air hjá Arionbanka eins og þær birtust á heimasíðu flugfélagsins.

Gengi hlutabréfa í Arion banka hefur lækkað um 7 prósent í kauphöllinni í Stokkhólmi það sem af er degi. Skrifast sú mikla lækkun væntanlega á afkomuviðvörun sem bankinn sendi frá sér í byrjun dags þar sem fram kom að þar sem fram kemur að stjórnendur hans geri ráð fyrir að niðurfæra lán og greiða út ábyrgðir vegna ófyrirséðra atburða. Áhrifin munu nema um 1,3 – 1,8 milljarði króna en allt að 2,25 milljörðum með sköttum.

Ekki kemur fram í tilkynningu Arion hvaða atburður þetta er sem veldur bankanum svona miklu tjóni en líkt og Túristi greindi frá í morgun þá eru allar líkur á að um sé að ræða greiðslustöðvun Primera air.

Talsmaður Arion hefur ekki viljað staðfesta tengsl bankans við Primera air en eins og sjá má á heimasíðu flugfélagsins þá hefur farþegum þess staðið til boða um langt skeið að borga fyrir flugmiða með millifærslu á reikning Primera air í Arion banka. Það sýnir vissulega ekki fram á lánveitingar bankans til flugfélagsins en er þó staðfesting á viðskiptasambandi milli fyrirtækjanna tveggja.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …