Bóka gistingu með styttri fyrirvara bæði í Reykjavík og úti á landi

Ásókn í hótelgistingu hér á landi er ennþá mjög mikil miðað við þær tölur sem birtast í uppgjöri Icelandair hótelanna fyrir nýliðinn september. Þar kemur fram að þrátt fyrir að framboð hótelkeðjunnar hafi aukist um fimmtung frá sama tíma í fyrra þá jókst nýtingin úr 90,0% í 93,7%. „Þessi aukning dreifist vel á hótelin hjá okkur svo það er engin ein ástæða sem hér er að baki,“ segir Hildur Ómarsdóttir, hjá Icelandair hótelunum. „Það er afar ánægjulegt að sjá aukninguna á landsbyggðinni. Nýja hótelinu okkar í Mývatnssveit hefur verið vel tekið frá því við opnuðum fyrstu herbergin í byrjun júlí sl. Í september er svo hástökkvari mánaðarins hótel okkar á Egilsstöðum, með 12,5% aukningu milli ára. Þótt fækkun hafi orðið á viðskiptum frá stórum ferðaheildsölum milli ára, sjáum við á sama tíma aukningu í bókunum með styttri fyrirvara og allt niður í samdægurs á landsbyggðinni í september, sem er ánægjuleg þróun, og í takt við stefnu okkar í tekjustýringu,“ bæti Hildur við.

Sem fyrr segir jókst framboðið á hótelum Icelandair um fimmtung frá september í fyrra eða úr nærri 28 þúsund nóttum í hátt í 24 þúsund nætur. Aðspurð um hvort hin góða nýting hafi ekki verið meiri en búast hefði mátt við í ljósi aukningar í gistirýmum, þá segir Hildur, að framboðsaukningin hafi miðað að því að breikka þjónustuframboðið og bjóða nýja valkosti. „Þannig þarf aukið framboð alls ekki að hafa neikvæð áhrif á nýtingu, síður en svo. Aukningin frá fyrra ári eru Icelandair hóteli okkar í Mývatnssveit, Reykjavík Konsúlat hótelið við Hafnarstræti og Hótel Alda við Laugaveginn. Þessi aukning er vel ígrunduð og rímar vel við þau hótel sem við rekum fyrir. Við teljum það mikilvægt að bæta markvisst þjónustuframboð okkar undir nýjum og ólíkum vörumerkjum, frekar en að fjölga áfram herbergjum sem höfða til sama markhóps og áður. Þetta á sérstaklega við í Reykjavík.“

Hildur segir söluherferðir fyrir veturinn vera í fullum gangi. „Við höfum náð ágætum árangri undanfarið við að tekjustýra í takt við breytt bókunarmynstur og gerum okkur vonir um að svo verði áfram.“

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.